மகேஷ்பாபு-முருகதாஸ் படத்தை தயாரிக்கும் 5 பிரபல நிறுவனங்கள்
- IndiaGlitz, [Monday,June 20 2016]
பிரபல இயக்குனர் ஏ.ஆர்.முருகதாஸ் தற்போது சோனாக்ஷி சின்ஹா முக்கிய வேடத்தில் நடித்துள்ள 'அகிரா' படத்தின் இறுதிக்கட்ட போஸ்ட் புரடொக்ஷன்ஸ் பணியில் பிசியாக உள்ளார். இந்நிலையில் விரைவில் அவர் மகேஷ்பாபு நடிப்பில் உருவாகவுள்ள ஒரு படத்தை இயக்கவுள்ளார்.
இந்த படத்தின் ஆரம்பகட்ட பணிகள் நடைபெற்று வருகிறது. இந்த படத்தில் மகேஷ்பாபுவின் ஜோடியாக ப்ரணித் சோப்ராவும், வில்லனாக எஸ்.ஜே.சூர்யாவும் நடிக்கவுள்ளனர். தமிழ், தெலுங்கு என ஒரே நேரத்தில் இரண்டு மொழிகளில் உருவாகவுள்ள இந்த படத்தின் படப்பிடிப்பு விரைவில் தொடங்கப்படவுள்ளது
இந்நிலையில் இந்த படத்தை ஐந்து பிரபல நிறுவனங்கள் இணைந்து தயாரிக்கவுள்ளதாக செய்திகள் வெளிவந்துள்ளது. இந்த படத்தின் மொத்த பட்ஜெட் ரூ.100 கோடி என்றும் இந்த படத்தை ரிலையன்ஸ், லியோ புரொடக்ஷன்ஸ், மகேஷ்பாபுவின் சொந்த நிறுவனமான எம்.பி.என்டர்டெய்மென்ட், முருகதாசின் சொந்த நிறுவனம் மற்றும் ஃபாக்ஸ் ஸ்டார் நிறுவனம் ஆகிய ஐந்து நிறுவனங்கள் இணைந்து தயாரிக்கவுள்ளதாக கூறப்படுகிறது.