ஏ.ஆர்.முருகதாஸ்-மகேஷ்பாபு பட நாயகி திடீர் மாற்றமா?
- IndiaGlitz, [Friday,July 08 2016]
பிரபல இயக்குனர் ஏ.ஆர்.முருகதாஸ் இயக்கிய 'அகிரா' படம் வரும் செப்டம்பர் 2 முதல் பிரமாண்டமாக ரிலீஸ் ஆகவுள்ள நிலையில் அவருடைய அடுத்த படத்தில் மகேஷ்பாபு நடிக்கவுள்ளார் என்பதும் இந்த படம் தமிழ், தெலுங்கு மற்றும் இந்தி என மூன்று மொழிகளில் தயாராகவுள்ளது என்பதும் தெரிந்ததே.
இந்நிலையில் இந்த படத்தில் மகேஷ்பாபுவுக்கு ஜோடியாக ப்ரிணிதி சோப்ரா நடிக்கவுள்ளதாக செய்திகள் வெளிவந்தன. ஆனால் தற்போது இந்த படத்தின் நாயகியாக ராகுல் ப்ரித்திசிங் நடிக்கவுள்ளதாக கூறப்படுகிறது. இருப்பினும் இந்த படத்தின் நாயகி யார் என்பதை இயக்குனர் முருகதாஸ் இன்னும் அதிகாரபூர்வமாக அறிவிக்கவில்லை என்பது குறிப்பிடத்தக்கது.
மேலும் இந்த படத்தின் படப்பிடிப்பு தொடங்குவதற்கான அனைத்து முன்னேற்பாடுகளும் தயாராக உள்ளது என்றும் இம்மாதம் இந்த படத்தின் படப்பிடிப்பு பூஜையுடன் தொடங்கும் என்றும் கூறப்படுகிறது.