விஜய்க்கு மூன்று ஹிட் கொடுத்த இயக்குனரின் அடுத்த படத்தில் சிவகார்த்திகேயன்?
- IndiaGlitz, [Monday,December 21 2020]
தளபதி விஜய் நடிக்க இருந்த ’தளபதி 65’ என்ற திரைப்படத்தை முதலில் இயக்க ஒப்பந்தமானவர் ஏஆர் முருகதாஸ் என்பது தெரிந்ததே. விஜய் நடித்த ‘துப்பாக்கி’, ‘கத்தி’ மற்றும் ‘சர்கார்’ என மூன்று ஹிட்களை கொடுத்த இயக்குனர் ஏஆர் முருகதாஸ் ஒருசில பிரச்சினை காரணமாக ’தளபதி 65’ படத்தில் இருந்து விலகினார் என்பது தெரிந்ததே. தற்போது ’தளபதி 65’ படத்தை நெல்சன் இயக்கவுள்ளார் என்பதும் இந்த படத்தை சன் பிக்சர்ஸ் நிறுவனம் தயாரிக்கவுளது என்பது குறிப்பிடத்தக்கது
இந்த நிலையில் ’தளபதி 65’ படத்திற்காக தயார் செய்து வைத்திருந்த கதையை நடிகர் சிவகார்த்திகேயனுக்கு இயக்குனர் ஏஆர் முருகதாஸ் அவர்கள் தெரிவித்ததாகவும், இந்த சந்திப்பின்போது ஏஆர் முருகதாஸ் அவர்கள் கூறிய கதை சிவகார்த்திகேயனுக்கு பிடித்து விட்டதாகவும் இந்த படம் குறித்த அறிவிப்பு விரைவில் வெளி வர வாய்ப்பிருப்பதாகவும் கூறப்படுகிறது
இந்த படத்தின் கதை திரைக்கதை உள்பட அனைத்தும் தயாராக இருப்பதால் இந்த படம் உறுதி செய்யப்பட்டால் உடனடியாக படப்பிடிப்பு தொடங்க வாய்ப்பு இருப்பதாகவும் தெரிகிறது. மேலும் இந்த படம் குறித்த அதிகாரப்பூர்வ அறிவிப்பு வரும் ஜனவரி 1ஆம் தேதி புத்தாண்டு தினத்தில் அறிவிக்கப்படும் என்றும் தெரிகிறது
தளபதி விஜய் மிஸ் செய்த கதையில் சிவகார்த்திகேயன் நடிக்கவிருப்பதாக வெளிவந்திருக்கும் தகவலை அடுத்து கோலிவுட் திரையுலகில் பெரும் பரபரப்பு ஏற்பட்டுள்ளது