తెలుగు సూప‌ర్‌స్టార్ మ‌హేష్‌బాబుతో స్పైడ‌ర్ సినిమాని రూపొందించిన ప్ర‌ముఖ ద‌ర్శ‌కుడు ఎ.ఆర్‌.మురుగ‌దాస్.. అతి త్వ‌ర‌లో త‌మిళ సూప‌ర్‌స్టార్ ర‌జ‌నీకాంత్‌తో సినిమా తెర‌కెక్కించ‌నున్నార‌ని ఆ మ‌ధ్య వార్త‌లు వినిపించాయి. స్పైడ‌ర్ ప్ర‌మోష‌న్స్ లో భాగంగా హైద‌రాబాద్‌కి విచ్చేసిన మురుగ‌దాస్ వ‌ద్ద ఈ విష‌యాన్ని ప్ర‌స్తావించారు మీడియా ప్ర‌తినిధులు.

దీనికి మురుగ‌దాస్ స్పందిస్తూ.. ర‌జ‌నీగారికి నేనో స్టోరీ నెరేట్ చేశాను. ఆయ‌న‌కు కూడా ఆ క‌థ బాగా న‌చ్చింది. అయితే వ‌చ్చే సంవ‌త్స‌రం వ‌ర‌కు ఆయ‌న కాల్షీట్స్ దొరికే అవ‌కాశం లేదు. కాబ‌ట్టి ఆయ‌న‌తో సినిమా అంటే ఇంకా కొంత స‌మ‌యం ప‌ట్టొచ్చు అంటూ చెప్పుకొచ్చారు.

ఇదిలా ఉంటే.. తెలుగు, త‌మిళ భాష‌ల్లో మురుగ‌దాస్ రూపొందించిన తాజా చిత్రం స్పైడ‌ర్ రేపు తెర‌పైకి రానుంది. ఇందులో మ‌హేష్ స‌ర‌స‌న ర‌కుల్ ప్రీత్ సింగ్ హీరోయిన్‌గా న‌టించ‌గా.. ఎస్‌.జె.సూర్య విల‌న్‌గా న‌టించాడు. రెండు చోట్లా ఈ సినిమాపై భారీ అంచ‌నాలే ఉన్నాయి.