పవర్ స్టార్ పవన్ కళ్యాణ్, ఆరడుగుల ఆజానుబాహుడు రానా దగ్గుబాటి కలసి నటిస్తున్న మాస్ మల్టీస్టారర్ చిత్రం సాగర్ చంద్ర దర్శకత్వంలో తెరకెక్కుతోంది. మలయాళీ బ్లాక్ బస్టర్ అయ్యప్పన్ కోషియం రీమేక్ గా తెరకెక్కుతున్న ఈ చిత్రంపై భారీ అంచనాలు ఉన్నాయి.

ఈ నెల రెండవ వారం నుంచి ఈ చిత్ర షూటింగ్ తిరిగి ప్రారంభం కానుంది. కరోనా సెకండ్ వేవ్ వల్ల ఈ చిత్ర షూటింగ్ వాయిదా పడ్డ సంగతి తెలిసిందే. షూటింగ్ సగభాగం పూర్తయినప్పటికీ ఇంకా టైటిల్ ఖరారు చేయలేదు. దీనితో పవన్, రానా అభిమానుల్లో ఉత్కంఠ నెలకొని ఉంది. ఇద్దరు క్రేజీ హీరోలు పవర్ ఫుల్ రోల్ లో నటిస్తున్న చిత్రం కావడంతో ఎలాంటి టైటిల్ పెడతారనే ఉత్కంఠ నెలకొని ఉంది.

ఇదీ చదవండి: యూట్యూబ్ ని ఊపేసే పాట.. బిగ్ బాస్ దివి హాట్ నెస్ అదుర్స్

ఇప్పటికే బిల్లా రంగ అనే టైటిల్ పరిశీలిస్తున్నట్లు వార్తలు వచ్చాయి. కానీ ఈ టైటిల్ లో మాస్ సౌండింగ్ లేదనేది కొందరు అభిమానుల అభిప్రాయం. తాజాగా దర్శకుడు సాగర్ చంద్ర మరో పవర్ ఫుల్ టైటిల్ పరిశీలిస్తున్నట్లు వార్తలు అందుతున్నాయి. ఈ చిత్రానికి 'పరశురామ కృష్ణమూర్తి' అనే టైటిల్ పరిశీలిస్తున్నట్లు టాక్. పవన్, రానా ఇమేజ్ ని బట్టి ఈ టైటిల్ అయితే బాగా సెట్ అవుతుందనే అభిప్రాయం వ్యక్తం అవుతోంది.

మరి సాగర్ చంద్ర ఏ టైటిల్ ఫిక్స్ చేస్తారో చూడాలి. తమన్ సంగీతం అందిస్తున్న ఈ చిత్రానికి మాటల మాంత్రికుడు త్రివిక్రమ్ డైలాగ్స్ అందిస్తున్నారు.