పాడేరు ఘాట్‌లో ఘోర ప్రమాదం : 100 అడుగుల లోయలో పడ్డ ఆర్డీసీ బస్సు, అందులో 50 మంది ప్రయాణీకులు
- IndiaGlitz, [Sunday,August 20 2023]
అల్లూరి సీతారామరాజు జిల్లా పాడేరులో ఆదివారం ఘోర రోడ్డు ప్రమాదం సంభవించింది. ఆర్టీసీ బస్సు 100 అడుగుల లోయలో పడిన ఘటనలో ఇద్దరు మరణించగా.. 40 మందికి తీవ్ర గాయాలయ్యాయి.
ప్రమాద సమయంలో బస్సులో బస్సులో 50 మంది ప్రయాణీకులు వున్నట్లుగా తెలుస్తోంది. చోడవరం నుంచి పాడేరు వెళ్తుండగా ఘాట్ రోడ్డు వ్యూ పాయింట్ వద్ద ఈ ప్రమాదం చోటు చేసుకుంది.
సమాచారం అందుకున్న పోలీసులు , రెవెన్యూ, ఇతర సహాయక బృందాలు ఘటనాస్థలికి చేరుకుని సహాయక చర్యలు చేపట్టాయి. క్షతగాత్రులను పాడేరు ప్రభుత్వాసుపత్రికి తరలిస్తున్నారు.
గాయపడిన వారిలో పలువురి పరిస్థితి విషమంగా వున్నట్లుగా తెలుస్తోంది. ఈ ప్రమాదానికి సంబంధించిన మరిన్ని వివరాలు తెలియాల్సి వుంది.