నారా రోహిత్ - ప్రేమ ఇష్క్ కాద‌ల్ ఫేం శ్రీవిష్ణు హీరోలుగా న‌టిస్తున్న చిత్రం అప్ప‌ట్లో ఒక‌డుండేవాడు. ఈ చిత్రాన్ని అయ్యారే ఫేమ్ సాగ‌ర్ చంద్ర తెర‌కెక్కిస్తున్నారు. రోహిత్ స‌మ‌ర్ప‌ణ‌లో ఆర‌న్ వ‌ర్క్స్ మీడియా బ్యాన‌ర్ పై ప్ర‌శాంతి, కృష్ణ విజ‌య్ సంయుక్తంగా ఈ చిత్రాన్ని నిర్మిస్తున్నారు. త్వ‌ర‌లో ఈ చిత్రం ప్రేక్ష‌కుల ముందుకు వ‌చ్చేందుకు రెడీ అవుతుంది. ఈ సంద‌ర్భంగా అప్ప‌ట్లో ఒక‌డుండేవాడు థియేట్రిక‌ల్ ట్రైల‌ర్ ను రిలీజ్ చేసారు. 1990లో హైద‌రాబాద్ పాత‌బ‌స్తీ ప్రాంతంలో జ‌రిగిన యధార్ధ సంఘ‌ట‌న ఆధారంగా ఈ చిత్రాన్ని రూపొందించారు.

శ్రీవిష్ణు క్రికెట‌ర్ గా, ఆత‌ర్వాత అడ‌విలో అన్న‌ల గ్యాంగ్ లో ఒక‌డుగా క‌నిపించాడు. ఇక నారా రోహిత్ పోలీస్ గా క‌నిపించాడు. అలాగే అడ‌విలో అన్న‌ల గెట‌ప్ లో కూడా క‌నిపించడం విశేషం. నిన్ను నీ అక్క‌ను, నీ బావ‌ను వాడి మెంట‌ల్ సైన్యం మొత్తాన్నీ నాశ‌నం చేస్తా అంటూ నారా రోహిత్ చెప్పే డైలాగ్, ఏ బాత్ లిక్ లేనా భాయ్ కుదాఫిస్ అంటూ శ్రీవిష్ణు డైలాగ్ తో హీరోలిద్ద‌రి క్యారెక్ట‌ర్స్ ఎలా ఉంటాయో చెప్పారు. ఇంట్ర‌స్ట్ గా, డిఫ‌రెంట్ గా ఉన్న‌ ఈ ట్రైల‌ర్ చూస్తుంటే ఖ‌చ్చితంగా విజ‌యం సాధిస్తుంది అనిపిస్తుంది. మ‌రి...అప్ప‌ట్లో ఒక‌డుండేవాడు ఎంత వ‌ర‌కు ఆక‌ట్టుకుంటాడో చూడాలి..!