பிரபல தமிழ் நடிகரின் மறைவுக்கு ஆந்திர முதல்வர் இரங்கல்!
- IndiaGlitz, [Tuesday,September 08 2020]
தமிழ், தெலுங்கு நகைச்சுவை மற்றும் வில்லன் நடிகரான ஜெயப்பிரகாஷ் ரெட்டி இன்று காலமானார். அவருக்கு வயது 74
ஜெயப்பிரகாஷ் ரெட்டி அவர்களுக்கு திடீரென மாரடைப்பு ஏற்பட்டதாகவும், இதனையடுத்து அவர் மரண மடைந்ததாகவும் அவரது குடும்பத்தினர் தெரிவித்துள்ளனர். ஆறு, உத்தமபுத்திரன், தருமபுரி, ஆஞ்சநேயா, சின்னா உள்பட ஒருசில தமிழ் திரைப்படங்களிலும் ஏராளமான தெலுங்கு திரைப்படங்களிலும் நடித்தவர் நடிகர் ஜெயப்பிரகாஷ் ரெட்டி.
நடிகர் ஜெயப்பிரகாஷ் ரெட்டி மறைவிற்கு தமிழ், தெலுங்கு திரையுலகம் இரங்கல் தெரிவித்து வரும் நிலையில் ஆந்திர மாநில முதல்வர் ஜெகன்மோகன் ரெட்டி தனது தனது இரங்கலை தெரிவித்துள்ளார். திரையுலகில் தனக்கென ஒரு முத்திரையை பதித்து தனி பாணியில் நடித்த நடிகர் என்றும், அவருடைய டயலாக் டெலிவரி மற்றும் மேனரிசம் அற்புதமாக இருக்கும் என்றும் முதல்வர் ஜெகன்மோகன் ரெட்டி தனது இரங்கல் செய்தியில் குறிப்பிட்டுள்ளார்.
மேலும் நடிகர் ஜெயப்பிரகாஷ் ரெட்டி அவர்களை இழந்து வாடும் அவரது குடும்பத்தினர்களுக்கு தனது ஆழ்ந்த இரங்கலை தெரிவித்து கொள்வதாகவும் அவர் கூறியுள்ளார்.