సూపర్ స్టార్ మహేష్ బాబు, స్టార్ హీరోయిన్ అనుష్క శెట్టి కాంబోలో ‘ఖలేజా’ మూవీ వచ్చిన విషయం తెలసిందే. ఈ చిత్రం కమర్షియల్‌గా హిట్ కాకపోయినా అభిమానులతైనే బాగానే ఆకట్టుకుంది. అయితే ఈ చిత్రం తర్వాత వీరిద్దరి కాంబోలో సినిమాను ఇప్పటి వరకూ చూడలేకపోయాం. కానీ మరోసారి ఈ జంట సిల్వర్ స్క్రీన్‌పై అలరించనుందని టాక్ నడుస్తోంది. సోషల్ మీడియా వేదికగా ఈ న్యూస్ బాగా హల్‌చల్ చేస్తోంది.

మ‌హేష్ హీరోగా ప్రస్తుతం ‘స‌ర్కారువారిపాట‌’ సినిమా తెరకెక్కుతున్న విషయం తెలిసిందే. ఈ సినిమాలో అనుష్క శెట్టి కూడా న‌టించ‌నుందని ఫిలింనగర్‌ టాక్‌. ఇందులో నిజమెంత‌ముందో తెలియ‌దు కానీ.. టాక్ అయితే మాత్రం బాగానే వినిపిస్తోంది. బ్యాంక్ ఆఫీసర్ రోల్‌లో అనుష్క నటిస్తోందని సమాచారం. అయితే అనుష్క పాత్ర నిడివి ఎంత సేపు ఉంటుందనేది కూడా తెలియటం లేదు. ఈ వార్త‌లో నిజానిజాలు తెలియాలంటే కొన్ని రోజులు ఆగ‌క ‌త‌ప్ప‌దు. త్వరలోనే ఈ సినిమా రెగ్యులర్ షూటింగ్ యూఎస్‌లో ప్రారంభం కానుందని సమాచారం.