అనుష్క, తమన్నా...ఒకరికి ఒకరు
- IndiaGlitz, [Sunday,November 22 2015]
ఈ ఏడాది అందాల న‌టీమ‌ణులు అనుష్క, త‌మ‌న్నాకి ఎంతో స్పెష‌ల్‌. ఎందుకంటే... ఈ సంవ‌త్స‌రంతో ఈ ఇద్ద‌రు పదేళ్ల సినీ కెరీర్‌ని పూర్తిచేసుకున్నారు. అంతేకాకుండా.. తెలుగులోనే అతి పెద్ద హిట్ సినిమాగా పేరు తెచ్చుకున్న 'బాహుబ‌లి'లో హీరోయిన్స్‌గా న‌టించారు. అలాంటి ఈ ఇద్ద‌రు ఒకరికి ఒకరు అన్న‌ట్లుగా ఓ విష‌యంలో వ్య‌వ‌హ‌రిస్తున్నారు.
ఇంత‌కీ అదేమిటంటే.. అనుష్క న‌టించిన కొత్త చిత్రం 'సైజ్ జీరో'లో తమన్నా ఓ అతిథి వేషంలో క‌నిపించ‌నుంటే.. తమన్నా హీరోయిన్‌గా న‌టించిన 'ఊపిరి'లో అనుష్క ఓ అతిథి పాత్ర పోషించింది. ఒక‌రి సినిమాలో మ‌రొక‌రు అతిథి వేషాలేసిన ఈ ఇద్ద‌రికి.. ఆయా సినిమాల్లో కాంబినేష‌న్ సీన్స్ ఉన్నాయో లేదో తెలియాలంటే కొన్నాళ్లు ఆగాల్సిందే.