மெகா ஸ்டார் சிரஞ்சீவி நடிப்பில் கொரட்டலா சிவா இயக்கிவரும் ’ஆச்சாரியா’ என்ற திரைப்படத்தில் நாயகியாக நடிக்க ஒப்பந்தமாகி இருந்த திரிஷா திடீரென அந்த படத்திலிருந்து விலகினார் என்ற செய்தியை ஏற்கனவே பார்த்தோம். தன்னுடைய கேரக்டர் குறித்து அவர் திருப்தி அடையாததால் இந்த படத்தில் இருந்து அவர் வெளியேறியதாக கூறப்பட்டது

இந்த நிலையில் சிரஞ்சீவி ஜோடியாக திரிஷாவுக்கு பதில் முன்னணி நடிகைகளிடம் படக் குழுவினர் பேச்சுவார்த்தை நடத்தி வருவதாக செய்திகள் வெளியானது. முதல் கட்டமாக காஜல் அகர்வாலை படக்குழுவினர் அணுகியதாகவும், ஆனால் அவரது சம்பளம் மிக அதிகமாக இருப்பதால் அவர் இந்த படத்தில் நடிக்க ஒப்பந்தமாகவில்லை என்றும் கூறப்பட்டது

இந்த நிலையில் தற்போது கொரட்டலா சிவா தரப்பிலிருந்து பாகுபலி நடிகை அனுஷ்கா ஷெட்டியிடம் பேச்சுவார்த்தை நடத்தி இருப்பதாகவும், இது குறித்த முதல்கட்ட பேச்சுவார்த்தையில் பாசிட்டிவ் பதில்கள் வந்திருப்பதாகவும் விரைவில் இதுகுறித்த அறிவிப்பு வெளிவரும் என்றும் கூறப்படுகிறது ஏற்கனவே சிரஞ்சீவி நடித்த ’சயிர நரசிம்ம ரெட்டி’ படத்தில் அனுஷ்கா நடித்துள்ளார் என்பது குறிப்பிடத்தக்கது. இந்த நிலையில் மீண்டும் சிரஞ்சீவிக்கு ஜோடியாக அனுஷ்கா நடிப்பாரா? என்பதை பொறுத்திருந்து பார்ப்போம்