பிரமாண்ட இயக்குனரின் மகன் திருமண நிகழ்ச்சியில் அனுஷ்கா
- IndiaGlitz, [Saturday,December 29 2018]
இந்தியாவின் பிரமாண்ட இயக்குனர்களில் ஒருவராகிய எஸ்.எஸ்.ராஜமெளலி இயக்கிய 'பாகுபலி ' மற்றும் 'பாகுபலி 2' ஆகிய திரைப்படங்கள் உலக அளவில் ஹிட்டானது என்பது தெரிந்ததே. தற்போது அவர் ஜூனியர் என்.டி.ஆர் மற்றும் ராம்சரண்தேஜா நடித்து வரும் படத்தை இயக்கி வருகிறார்
இந்த நிலையில் எஸ்.எஸ்.ராஜமெளலியின் மகன் கார்த்திகேயா திருமணம் நாளை அதாவது டிசம்பர் 30ஆம் தேதி ஜெய்ப்பூரில் உள்ள ஐந்து நட்சத்திர ஓட்டல் ஒன்றில் நடைபெறவுள்ளது. இந்த திருமணத்தில் கலந்து கொள்ள இந்தியாவின் பிரபல நட்சத்திரங்கள் ஜெய்ப்பூரில் குவிந்து வருகின்றனர். திருமணத்திற்கு வருகை தரும் விருந்தினர்களை எஸ்.எஸ்.ராஜமெளலி மற்றும் அவருடைய மகன் ரமா மற்றும் திருமணம் செய்யவுள்ள கார்த்திகேயா-பூஜா பிரசாத் ஆகியோர் வரவேற்று வருகின்றனர்.
இந்த நிலையில் பாகுபலி ' மற்றும் 'பாகுபலி 2' படத்தின் நாயகியான அனுஷ்கா ஷெட்டி இந்த திருமணத்தில் கலந்து கொள்ள இன்று ஜெய்ப்பூர் சென்றுள்ளார். அவருக்கு எஸ்.எஸ்.ராஜமெளலி குடும்பத்தினர் சிறப்பான வரவேற்பு அளித்தனர்.