தமிழில் ரீஎண்ட்ரி ஆகும் அனுஷ்கா: மீண்டும் அதே இயக்குனர்!
- IndiaGlitz, [Wednesday,March 02 2022]
தமிழ் தெலுங்கு திரையுலகின் முன்னணி நடிகையான அனுஷ்கா ஷெட்டி 5 ஆண்டுகளுக்குப் பின் மீண்டும் நேரடி தமிழ் படத்தில் நடிக்க இருப்பதாக தகவல்கள் வெளியாகி உள்ளன.
தமிழில் ’ரெண்டு’ என்ற திரைப்படத்தில் அறிமுகமாகி அதன் பின்னர் விஜய்யின் வேட்டைக்காரன், அஜித்தின் என்னை அறிந்தால், சூர்யாவின் சிங்கம், சூப்பர் ஸ்டார் ரஜினியின் லிங்கா உள்பட பல நேரடி தமிழ் திரைப்படங்களில் அனுஷ்கா ஷெட்டி நடித்தார்.
இந்த நிலையில் கடந்த 2017 ஆம் ஆண்டு ’சிங்கம்’ படத்தின் மூன்றாம் பாகத்தில் நடித்த அனுஷ்கா அதன் பிறகு நேரடி தமிழ் திரைப்படத்தில் நடிக்க வில்லை. இந்த நிலையில் தற்போது மீண்டும் நேரடி தமிழ் திரைப்படத்தில் நடிக்க உள்ளதாகவும் இந்த படத்தை இயக்குனர் ஏ.எல். விஜய் இயக்க இருப்பதாக கூறப்படுகிறது. ஏற்கனவே ஏ.எல்.விஜய் இயக்கிய தாண்டவம் மற்றும் தெய்வத்திருமகள் ஆகிய திரைப்படங்களில் அனுஷ்கா நடித்துள்ள நிலையில் தற்போது மீண்டும் இருவரும் இணைந்து பணிபுரியவுள்ளனர் என்பது குறிப்பிடத்தக்கது.