நடிகர் மாதவன் இயக்கி நடித்து வந்த 'ராக்கெட்டரி' திரைப்படத்தின் படப்பிடிப்பு சமீபத்தில் முடிவடைந்து தற்போது அந்த படத்தின் தொழில்நுட்ப பணிகள் விறுவிறுப்பாக நடைபெற்று வருகிறது. விஞ்ஞானி நம்பி நாராயணன் வாழ்க்கை குறித்த இந்த படம் விரைவில் வெளியாகும்.

இந்த நிலையில் மாதவன் நடிக்கும் அடுத்த படத்தில் அனுஷ்கா, அஞ்சலி மற்றும் ஷாலினி பாண்டே ஆகிய மூன்று நாயகிகள் நடிக்கவுள்ளனர். தெலுங்கில் உருவாகவுள்ள இந்த படத்தை ஹேமந்த் மதுல்கர் என்பவர் இயக்கவுள்ளார். இந்த படத்தில் மைக்கேல் மேட்சன் மற்றும் சுப்புராஜா ஆகியோர் முக்கிய வேடங்களில் நடிக்கவுள்ளனர், இந்த படத்தின் படப்பிடிப்பு விரைவில் தொடங்கவுள்ளது.

இந்த படத்தை கிரண் ஸ்டுடியோஸ், காஸ்மோஸ் எண்டர்டெயின்மெண்ட்ஸ் மற்றும் பீப்பிள் மீடியா பேக்டரி ஆகிய நிறுவனங்கள் இணைந்து தயாரிக்கவுள்ளன. இந்த படம் தமிழிலும் டப் செய்து வெளியிட வாய்ப்பு உள்ளது.