మెగాస్టార్ చిరంజీవి 151వ చిత్రం `సైరా న‌ర‌సింహారెడ్డి`. బ్రిటీష్ వారిని ఎదిరించిన తొలి తెలుగు స్వాతంత్ర్య యోధుడు ఉయ్యాల‌వాడ న‌ర‌సింహారెడ్డి జీవితాన్ని ఆధారంగా చేసుకుని ఈ సినిమాను తెర‌కెక్కిస్తున్నారు. సురేంద‌ర్ రెడ్డి ద‌ర్శ‌క‌త్వంలో రామ్‌చ‌ర‌ణ్ నిర్మాణంలో సినిమా రూపొందుతోంది. ఈ సినిమాపై భారీ అంచ‌నాలున్నాయి. అమితాబ్ బ‌చ్చ‌న్‌, న‌య‌న‌తార‌, విజ‌య్ సేతుప‌తి, కిచ్చా సుదీప్‌, జ‌గ‌ప‌తిబాబు, త‌మ‌న్నా వంటి భారీ తారాగ‌ణం ఇప్ప‌టికే న‌టించారు. తాజాగా ఈ లిస్టులో అనుష్క కూడా చేరింది.

అనుష్క లుక్ టెస్ట్ కూడా పూర్త‌య్యింది వెంట‌నే షూటింగ్‌లో అనుష్క జాయిన్ కూడా అయ్యింది. అనుష్క వాయిస్‌తోనే సినిమా మొద‌ల‌వుతుంద‌ట‌. ఉయ్యాల‌వాడ న‌ర‌సింహారెడ్డి పాత్ర స‌హా ప్ర‌ధాన పాత్ర‌ల‌ను అనుష్క వాయిస్ ఓవ‌ర్‌తో ప్రేక్ష‌కుల‌కు ప‌రిచ‌యం చేస్తుంది. అంతే కాకుండా ఇంట‌ర్వెల్ స‌మ‌యంలో అనుష్క పాత్ర తెర‌పై క‌న‌ప‌డుతుంద‌ట‌.