பாகுபலி, பாகுபலி 2 ஆகிய படங்களின் மூலம் உலகம் முழுவதும் புகழ் பெற்ற நடிகை அனுஷ்கா, இந்த இரண்டு படங்களை அடுத்து 'பாகிமதி' என்ற ஒரே ஒரு படத்தில் மட்டுமே நடித்தார். தற்போது உடலை ஸ்லிம் ஆக்கியுள்ள அனுஷ்கா, 'சைலன்ஸ்' மற்றும் 'சயிரா நரசிம்ம ரெட்டி' ஆகிய படங்களில் நடித்து வருகிறார்.

இந்த நிலையில் ஸ்பானிஷ் மொழியில் வெளியான த்ரில் படமான 'ஜூலியாஸ் ஐ' என்ற படத்தின் ரீமேக்கில் அனுஷ்கா நடிக்கவிருப்பதாக செய்திகள் வெளிவந்துள்ளது. இந்த படத்தில் அனுஷ்கா, பெலன் ரூடா நடித்த கேரக்டரில் நடிக்கவிருப்பதாக கூறப்படுகிறது.

கடந்த 2010ஆம் ஆண்டு வெளிவந்த இந்த படம் உலகம் முழுவதும் மிகப்பெரிய வரவேற்பை பெற்றது. தமிழ், தெலுங்கு என இரண்டு மொழிகளில் ரீமேக் ஆகவிருக்கும் இந்த படத்தை கபீர்லால் இயக்கவிருப்பதாகவும் இந்த படம் குறித்த அதிகாரபூர்வ அறிவிப்பு விரைவில் வெளியாகும் என்றும் கூறப்படுகிறது.