ప‌వ‌ర్‌స్టార్ ప‌వ‌న్‌క‌ల్యాణ్ రాజ‌కీయాల నుండి సినిమాల్లోకి రీ ఎంట్రీ ఇచ్చిన త‌ర్వాత రెండు సినిమాల్లో న‌టిస్తున్నారు. బాలీవుడ్ చిత్రం ‘పింక్‌’ రీమేక్‌ను ‘వ‌కీల్‌సాబ్‌’గా తెర‌కెక్కిస్తోన్న సంగ‌తి తెలిసిందే. ఈ సినిమా ఇప్ప‌టికే 80 శాతం చిత్రీక‌ర‌ణ పూర్త‌య్యింది. మ‌రో ప‌క్క రీసెంట్‌గానే క్రిష్ ద‌ర్శ‌క‌త్వంలో ప‌వ‌న్ త‌న 27వ సినిమాను స్టార్ట్ చేసినట్లు వార్త‌లు కూడా వ‌చ్చాయి. అయితే ఈలోపు క‌రోనా వైర‌స్ విజృంభించ‌డంతో రెండు సినిమాల షూటింగ్‌ల‌ను ప‌వ‌న్ ఆపేశారు. లేటెస్ట్ స‌మాచారం మేర‌కు ఈ సినిమాలో అనుష్క హీరోయిన్‌గా న‌టించే అవ‌కాశాలున్నాయ‌ట‌. ఇది వ‌ర‌కు జాక్వ‌లైన్ ఫెర్నాండెజ్‌, కీర్తి సురేష్‌లు ఈ సినిమాలో హీరోయిన్స్‌గా న‌టిస్తార‌ని వార్త‌లు వ‌చ్చాయి. ఇప్పుడు అనుష్క పేరు కూడా విన‌ప‌డుతుంది. క్రిష్ డైరెక్ట్ చేసిన వేదం సినిమాలో అనుష్క ఓ కీల‌క పాత్ర‌లో న‌టించిన సంగ‌తి తెలిసిందే. ఇప్పుడు క్రిష్ అడ‌గటంతో అనుష్క ప‌వ‌న్ 27లో న‌టించ‌డానికి ఓకే చెప్పిన‌ట్లు స‌మాచారం.

పీరియాడిక‌ల్ బ్యాక్‌డ్రాప్‌లో ప‌వ‌న్ 27 రూపొంద‌నుంది. ఎ.ఎం.ర‌త్నం ఈ సినిమాను భారీ బ‌డ్జెట్‌తో నిర్మిస్తున్నాడు. ఈ సినిమాను ఈ ఏడాది దీపావ‌ళిలో విడుద‌ల చేయాల‌నుకున్నారు. మ‌రి క‌రోనా వైర‌స్ ప్ర‌భావం ఈ సినిమా షెడ్యూల్‌పై ప‌డి సినిమా ఆల‌స్య‌మ‌వుతుందేమో చూడాలి.