അനുഷ്കയെ 'ബിടൗണിൽ' കാണാൻ ഇനിയും കാത്തിരിക്കണം
- IndiaGlitz, [Wednesday,May 24 2017]
ബാഹുബലിയിലൂടെ ഇന്ത്യ മുഴുവൻ അറിയപ്പെടുന്ന താരമായി മാറിയിരിക്കുകയാണ് അനുഷ്‌ക ഷെട്ടി. ബാഹുബലിയുടെ വൻ വിജയത്തോടെ ബോളിവുഡിലെ പ്രമുഖ സംവിധായകരെല്ലാം അനുഷ്‌കയുടെ പിന്നിലാണെന്നാണ് ശ്രുതി.
ഇ.നിവാസിന്റെ സംവിധാനത്തിൽ അനുഷ്കയെ കേന്ദ്ര കഥാപാത്രമാക്കി ബോളിവുഡ് ചിത്രം വരുന്നതായി നേരത്തെ വാർത്തകൾ ഉണ്ടായിരുന്നു. എന്നാൽ ഈ ചിത്രത്തിനായി ഇനിയും കാത്തിരിക്കണമെന്നാണ് സംവിധായകൻ പറയുന്നത്. 'കുട്ടികളെ കേന്ദ്രീകരിച്ചാണ് ചിത്രം ഒരുക്കുന്നത്. മാത്രമല്ല ബഡ്‌ജ‌റ്റും ഇതുവരെ ശരിയായിട്ടില്ല, അതുകൊണ്ട് തന്നെ കുറച്ചു നാൾ കൂടി കാത്തിരിക്കേണ്ടി വരും. അനുഷ്‌കയിപ്പോൾ ഇന്ത്യ ഒട്ടാകെ അറിയപ്പെടുന്ന താരമാണ്.അവരോടൊപ്പമുള്ള ചിത്രം വലിയൊരു അനുഭവം തന്നെയായിരിക്കും. ഉടൻ തന്നെ ചിത്രം യാഥാർത്ഥ്യമാകുമെന്നാണ് ഞങ്ങളുടെ പ്രതീക്ഷ', നിവാസ് പറഞ്ഞു.
ബോക്‌സ് ഓഫീസുകൾ തകർത്ത് വിജയക്കുതിപ്പ് നടത്തുന്ന ബാഹുബലി-2ൽ 'ദേവസേനയായി' മിന്നും പ്രകടനമാണ് അനുഷ്‌ക നടത്തിയത്.