అల‌నాటి హీరోయిన్‌గా అనుష్క..
- IndiaGlitz, [Thursday,November 08 2018]
దివంగ‌త మాజీ ముఖ్య‌మంత్రి 'ఎన్టీఆర్' బ‌యోపిక్ రెండు భాగాలుగా రూపుదిద్దుకుంటుంది. అందులో మొద‌టిది 'య‌న్‌.టి.ఆర్ క‌థానాయ‌కుడు' జ‌న‌వ‌రి 9న విడుద‌ల‌వుతుంది. రెండో భాగం 'య‌న్‌.టి.ఆర్ మ‌హానాయ‌కుడు' జ‌న‌వ‌రి 24న విడుద‌ల‌వుతుంద‌ని చిత్ర యూనిట్ ఇది వ‌రకే ప్ర‌క‌టించింది. నంద‌మూరి బాల‌కృష్ణ హీరోగా న‌టిస్తూ నిర్మిస్తున్న చిత్ర‌మిది. జాగ‌ర్ల‌మూడి క్రిష్ ద‌ర్శ‌కుడు. ఎన్టీఆర్ సినిమా రంగంలో అగ్ర క‌థానాయ‌కుడిగా రాణించిన తరుణంలో ఎంద‌రో హీరోయిన్స్‌తో ఆయ‌న క‌లిసి న‌టించిన సంగ‌తి తెలిసిందే.
ఇప్పుడు ఆ హీరోయిన్స్ పాత్ర‌ల్లో నేటి తారామ‌ణులంద‌రూ న‌టిస్తున్నారు. ఆ లిస్టులో తాజాగా స్వీటీ అనుష్క కూడా చేరింది. సీనియ‌ర్ ఎన్టీఆర్, బి.స‌రోజా దేవి క‌ల‌యిక‌లో ఎన్నో విజ‌య‌వంత‌మైన చిత్రాలు రూపు దిద్దుకున్న సంగ‌తి తెలిసిందే. ఇప్పుడు ఆమె పాత్ర‌ను కూడా తెర‌పై ఆవిష్క‌రింప చేస్తున్నారు. అందులో భాగంగా స‌రోజా దేవి పాత్ర‌లో అనుష్క‌ను న‌టిస్తుంద‌ని స‌మాచారం. త్వ‌ర‌లోనే ఈ విష‌యంపై ఓ క్లారిటీ రానుంది.