క్రిష్ ని బాధపెట్టిన అనుష్క...
- IndiaGlitz, [Monday,June 20 2016]
క్రిష్ దర్శకత్వంలో అనుష్క వేదం సినిమాలో న‌టించింది. ఈ సినిమా రిలీజై చాలా రోజుల‌య్యింది క‌దా..ఇప్పుడు బాధ‌పెట్ట‌డం ఏమిటి అనుకుంటున్నారా..? విష‌యం ఏమిటంటే...నంద‌మూరి న‌ట సింహం బాల‌కృష్ణ న‌టిస్తున్న గౌత‌మీపుత్ర శాత‌క‌ర్ణి చిత్రాన్నిక్రిష్ తెర‌కెక్కిస్తున్న విష‌యం తెలిసిందే. ప్ర‌స్తుతం ఈ చిత్రం హైద‌రాబాద్లో మూడో షెడ్యూల్ షూటింగ్ జ‌రుపుకుంటుంది.ఇదిలా ఉంటే.. ఇటీవ‌ల బాహుబ‌లి, రుద్ర‌మ‌దేవి చిత్రాల్లో న‌టించ‌డంతో అనుష్క‌కు మ‌రింత క్రేజ్ పెరిగింది. గ‌తంలో వేదం సినిమా చేసిన‌ప్ప‌టి నుంచి అనుష్క‌తో క్రిష్ కి మంచి స్నేహం ఉంది. దీంతో ఈ చారిత్రాత్మ‌క చిత్రంలో హీరోయిన్ పాత్ర కోసం క్రిష్ అనుష్క ని సంప్ర‌దిస్తే ఈ మూవీలో న‌టించేందుకు నో చెప్పింద‌ట.
అనుష్క నో చెప్ప‌డం క్రిష్ కి బాధ క‌లిగించింద‌ట.ఈ చారిత్రాత్మ‌క చిత్రంలో హీరోయిన్ పాత్ర‌కు అనుష్క త‌ర్వాత ఎవ‌రైతే బాగుంటారా అని ఆలోచించి శ్రియ‌ను సెలెక్ట్ చేసార‌ట. అయితే...అనుష్క ప్ర‌స్తుతం నాగార్జున - రాఘ‌వేంద్ర‌రావు కాంబినేషన్లో రూపొందుతున్న ఓం న‌మో వెంక‌టేశాయ చిత్రంలో న‌టిస్తుంది. దీంతో బాల‌య్య గౌత‌మీపుత్ర శాత‌క‌ర్ణి చిత్రంలో న‌టించేందుకు నో చెప్పింద‌ట. అనుష్క గౌత‌మీపుత్ర శాత‌క‌ర్ణిలో న‌టించాల‌నుకుంటే మూవీ డేట్స్ స‌ర్ధుబాటు చేసి న‌టించ‌వ‌చ్చు. కానీ...ఎందుక‌నో బాల‌య్య మూవీకి నో చెప్పింది. నాగ్ మూవీకి ఓకే చెప్పింది. ఇది నిజ‌మో కాదో తెలియ‌దు కానీ.. ఈ వార్త ఇండ‌స్ట్రీలో హాట్ టాపిక్ అయ్యింది.