அனுஷ்கா-மாதவன் நடிக்கும் படத்தின் டைட்டில் அறிவிப்பு
- IndiaGlitz, [Thursday,November 08 2018]
கடந்த 2006ஆம் ஆண்டு மாதவன் நடித்த 'ரெண்டு' என்ற படத்தின் மூலம் தமிழில் அறிமுகமான நடிகை அனுஷ்கா அதன் பின்னர் அருந்ததி', 'வேட்டைக்காரன்', 'சிங்கம்', 'பாகுபலி' உள்பட பல திரைப்படங்களில் நடித்தார்.
இந்த நிலையில் 12 ஆண்டுகளுக்கு பின் மீண்டும் மாதவனுடன் ஒரு படத்தில் அனுஷ்கா நடிக்கவுள்ளார் என்று வெளிவந்த செய்தியை ஏற்கனவே பார்த்தோம். தற்போது இந்த படத்தை நேற்றைய அனுஷ்காவின் பிறந்த நாளில் தயாரிப்பாளர் கோனாவெங்கட் உறுதி செய்துள்ளார்.
மாதவன் - அனுஷ்கா நடிக்கும் படத்திற்கு 'சைலன்ஸ்' என்ற டைட்டில் வைக்கப்பட்டுள்ளதாகவும், இந்த படத்தை ஹேமந்த் மதுகர் என்பவர் இயக்கவுள்ளதாகவும் அவர் அறிவித்துள்ளார்.
இந்த படத்தின் படப்பிடிப்பு வரும் 2019ஆம் ஆண்டு அமெரிக்காவில் தொடங்கவுள்ளதாகவும், இந்த படத்தில் நடிக்கும் மற்ற நட்சத்திரங்கள் மற்றும் தொழில்நுட்ப கலைஞர்கள் குறித்த அறிவிப்பு விரைவில் வெளிவரும் என்று கூறப்படுகிறது.