నాలుగేళ్ల త‌రువాత అనుష్క
- IndiaGlitz, [Thursday,October 26 2017]
అరుంధ‌తి చిత్రంతో అందాల న‌టి అనుష్క కెరీర్ గ్రాఫ్ ఒక్క‌సారిగా మారిపోయింది. అప్ప‌టివ‌ర‌కు గ్లామ‌ర్ పాత్ర‌ల‌కే ప‌రిమిత‌మైన ఈ ముద్దుగుమ్మ‌కి.. అభిన‌యానికి స్కోప్ ఉన్న పాత్ర‌లు రావ‌డం మొద‌లైంది ఈ సినిమా త‌రువాతే. అరుంధ‌తి త‌రువాత పంచాక్ష‌రి, నాగ‌వ‌ల్లి, వ‌ర్ణ, రుద్ర‌మ‌దేవి, సైజ్ జీరో .. అంటూ హీరోయిన్ ఓరియెంటెడ్ చిత్రాలు చేసింది అనుష్క. ఇటీవ‌ల వ‌చ్చిన బాహుబ‌లి2 లో కూడా ఆమె పోషించిన దేవ‌సేన పాత్ర‌కి మంచి గుర్తింపు వ‌చ్చింది.
ఇదిలా ఉంటే.. అనుష్క ప్ర‌స్తుతం భాగ‌మ‌తి అనే విమెన్ సెంట్రిక్ మూవీ చేస్తోంది. పిల్ల జ‌మీందార్ ఫేమ్ అశోక్ ద‌ర్శ‌క‌త్వం వ‌హించిన ఈ చిత్రాన్ని స‌క్సెస్‌ఫుల్ ప్రొడ‌క్ష‌న్ హౌస్ యువి క్రియేష‌న్స్ నిర్మిస్తోంది. తాజాగా వినిపిస్తున్న క‌థ‌నాల ప్ర‌కారం.. భాగ‌మ‌తిలో అనుష్క రెండు పాత్ర‌లు చేస్తున్న‌ట్లు తెలిసింది. గ‌తంలో అరుంధ‌తి, పంచాక్ష‌రి, వ‌ర్ణ చిత్రాల్లో కూడా ఇలానే డ‌బుల్ రోల్ చేసింది అనుష్క. వ‌ర్ణ విడుద‌లైన నాలుగేళ్ల త‌రువాత మ‌ళ్లీ ఇలా డ్యూయెల్ రోల్‌లో క‌నిపించనుంది స్వీటీ. కాగా, ఈ సినిమా ఫ‌స్ట్ లుక్‌ని అనుష్క బ‌ర్త్‌డే (న‌వంబ‌ర్ 7) కి రిలీజ్ చేయ‌నున్నారు. డిసెంబ‌ర్‌లో ఈ సినిమా విడుద‌ల కానుంది.