தெலுங்கில் ரீமேக் ஆகும் 'நெற்றிக்கண்': நயன் தாரா வேடத்தில் யார் தெரியுமா?
- IndiaGlitz, [Tuesday,August 17 2021]
லேடி சூப்பர் ஸ்டார் நயன்தாரா நடித்த ‘நெற்றிக்கண்’ என்ற திரைப்படம் சமீபத்தில் வெளியானது என்பது தெரிந்ததே. ‘பிளையண்ட்’ என்ற கொரிய மொழி படத்தின் அதிகாரப்பூர்வ ரீமேக் படமான இந்த படத்தில் நயன்தாரா பார்வையற்ற மாற்றுத்திறனாளியாக நடித்து இருந்தார் என்பதும் அவரது நடிப்பிற்கு பாசிட்டிவ் விமர்சனங்களை கிடைத்தது என்பது குறிப்பிடத்தக்கது.
இந்த நிலையில் இந்த படம் தற்போது தெலுங்கில் ரீமேக் செய்யப்பட உள்ளதாகவும் இது குறித்த பேச்சுவார்த்தை நடைபெற்று வருவதாகவும் கூறப்படுகிறது. தெலுங்கில் நயன்தாரா நடித்த பார்வையற்ற மாற்றுத்திறனாளி கேரக்டரில் அனுஷ்கா நடிக்க பேச்சுவார்த்தை நடைபெற்று வருவதாகவும் இது குறித்த அதிகாரப்பூர்வ அறிவிப்பு விரைவில் வெளியாகும் என்றும் கூறப்படுகிறது.
அனுஷ்கா ஏற்கனவே வாய் பேச முடியாத மாற்றுத்திறனாளியாக ’சைலன்ஸ்’ என்ற படத்தில் நடித்திருந்தார் என்பதும், அந்த படம் கடந்த ஆண்டு வெளியாகி எதிர்பார்த்த வெற்றியை பெறவில்லை என்பதும் குறிப்பிடத்தக்கது. இருப்பினும் ‘நெற்றிக்கண்’ திரைப்படத்தின் கதை தெலுங்கு ரசிகர்களால் வரவேற்கப்படும் என்று எதிர்பார்க்கப்படுகிறது.