அனுஷ்கா பயன்படுத்திய கேரவனை பறிமுதல் செய்த போலீஸார்
- IndiaGlitz, [Wednesday,May 31 2017]
'பாகுபலி', 'பாகுபலி 2' உள்ளிட்ட பல வெற்றி படங்களில் நடித்த முன்னணி நடிகை அனுஷ்கா தற்போது 'பாக்மதி' என்ற படத்தில் நடித்து வருகிறார். தமிழ், தெலுங்கு என இரண்டு மொழிகளில் உருவாகி வரும் இந்த படத்தின் படப்பிடிப்பு சமீபத்தில் பொள்ளாச்சி அருகே நடந்தது.
இந்த படத்தின் படப்பிடிப்பின்போது அனுஷ்கா பயன்படுத்தி வந்த கேரவனை போலீசார் சோதனை செய்தபோது, முறையான ஆவணங்கள் அந்த கேரவனுக்கு இல்லை என்பது தெரியவந்தது. இதனையடுத்து அனுஷ்கா பயன்படுத்திய கேரவனை போலீசார் பறிமுதல் செய்தனர்.
ஜி.அசோக் இயக்கி வரும் 'பாக்மதி' திரைப்படத்தில் அனுஷ்காவுடன் உன்னி முகுந்தன், ஆதி பின்செட்டி, ஆஷா சரத், ஜெயராம் உள்ளிட்ட பலர் நடித்து வருகின்றனர். எஸ்.தமன் இசையமைக்கும் இந்த படம் வரும் ஆகஸ்ட் மாதம் திரைக்கு வரும் என்று எதிர்பார்க்கப்படுகிறது.