நயன்தாரா நடித்த ‘இமைக்கா நொடிகள்’ என்ற படத்தில் வில்லனாக நடித்தவரும் பிரபல பாலிவுட் நடிகருமான அனுராக் காஷ்யப், பிரதமர் மோடியை ஹிட்லருடன் ஒப்பிட்டது பெரும் சர்ச்சையை ஏற்படுத்தியுள்ளது.

சமீபத்தில் பிரதமர் மோடி குடியுரிமை சட்டத்திற்கு எதிரான போராட்டம் குறித்து பேசியபோது, ‘என்னை வேண்டுமானால் எரியுங்கள். பொதுச் சொத்துக்களை எரிக்காதீர்கள். என்னை வெறுங்கள்; ஆனால் நாட்டை வெறுக்காதீர்கள்’ என்று பேசினார். ஜெர்மனியில் சர்வாதிகார ஆட்சி செய்த ஹிட்லரும் இதேபோன்று பேசியதை சுட்டிக்காட்டிய அனுராக் காஷ்யப், பிரதமர் மோடியை அர்பன் நாஜி’ என்று குறிப்பிட்டுள்ளார். இதனையடுத்து பாஜகவினர் அவருக்கு கடும் கண்டனங்களை தெரிவித்து வருகின்றனர்.

நடிகர் அனுராக் காஷ்யப் ஏற்கனவே மத்திய அரசின் பல திட்டங்களையும் பிரதமர் மோடியையும் விமர்சனம் செய்தவர் என்பதும் குடியுரிமை சட்டத்திற்கு எதிராக தனது டுவிட்டர் பக்கத்தில் ஆவேசமாக சில கருத்துக்களை பதிவு செய்துள்ளார் என்பதும் குறிப்பிடத்தக்கது.