హీరో, హీరోయిన్స్ ముందు ఓ సినిమాకు ఓకే చెప్పేసి త‌ర్వాత ప్రాజెక్ట్ నుండి క్రియేటివ్ డిఫ‌రెనెసెస్ అని కార‌ణం చెప్పి సినిమా నుండి త‌ప్పుకుంటున్నారు. ఇప్పుడు టాలీవుడ్‌లో హీరోయిన్‌గా న‌టించే ఓ ముద్దుగుమ్మ అలాంటి ప‌ని చేసింద‌ని అంటున్నారు. ఇంత‌కు ఆమె ఎవ‌రో కాదు.. అనుప‌మ ప‌ర‌మేశ్వ‌ర‌న్‌. వివ‌రాల్లోకెళ్తే.. ఈ మ‌ధ్య ప్లాప్స్‌లో ఉన్న అనుప‌మ ప‌ర‌మేశ్వ‌ర్‌కు అవ‌కాశాలే రావ‌డం లేదు. అదే స‌మ‌యంలో ఆమెకు కార్తికేయ 2 సినిమాలో న‌టించే అవ‌కాశం ద‌క్కింది. అంతా ఓకే అనుకున్నారు. అయితే చివ‌ర‌కు అనుప‌మ ప్రాజెక్ట్‌నుండి త‌ప్పుకుంటున్న‌ట్లు ద‌ర్శ‌క నిర్మాత‌ల‌కు చెప్పేశార‌ట‌.

ఇంత‌కూ అనుప‌మ ప్రాజెక్ట్ నుండి త‌ప్పుకోవ‌డానికి చెబుతున్న కార‌ణం... త‌న పాత్ర‌కు త‌గిన ప్రాధాన్యం లేక‌పోవ‌డ‌మ‌ని. కార్తికేయ సినిమాకు సీక్వెల్‌గా నిఖిల్‌, చందు మొండేటి కాంబినేష‌న్‌లో రూపొందుతోన్న ఈ చిత్రం త్వ‌ర‌లోనే సెట్స్ పైకి వెళ్ల‌నుంది. లాక్ డౌన్ కార‌ణంగా సెట్స్‌పైకి వెళ్లాల్సిన ఈ సినిమా షూటింగ్ ఆగింది.

అనుపమ పరమేశ్వరన్ విషయానికి వస్తే సక్సెస్‌లే లేని ఈమెకు గత ఏడాది రాక్షసుడు రూపంలో తెలుగులో సక్సెస్ దక్కింది. ప్రస్తుతం ఈమె తెలుగులో సినిమాలు చేయడం లేదు. మలయాళం, తమిళంలో మాత్రమే సినిమాలు చేస్తున్నారు.