మ‌రో ప‌రిశ్ర‌మ‌లోకి అనుప‌మ
- IndiaGlitz, [Tuesday,June 26 2018]
తెలుగు, త‌మిళ, మ‌ల‌యాళ భాష‌ల్లో క‌థానాయిక‌గా త‌న‌కంటూ ప్ర‌త్యేక గుర్తింపును తెచ్చుకున్నారు కేర‌ళ‌కుట్టి అనుప‌మ ప‌ర‌మేశ్వ‌ర‌న్‌. అతి త్వ‌ర‌లో క‌న్న‌డ ప‌రిశ్ర‌మ‌లోనూ త‌న ప్ర‌తిభ‌ను చాటుకోనున్నారు ఈ ముద్దుగుమ్మ. ఆ వివ‌రాల్లోకి వెళితే.. క‌న్న‌డ ప‌వ‌ర్ స్టార్ పునీత్ రాజ్‌కుమార్ క‌థానాయ‌కుడిగా ప‌వ‌న్ వాడేయ‌ర్ దర్శకత్వంలో 'న‌ట సార్వ‌భౌమ' పేరుతో ఓ చిత్రం రూపొంద‌నుంది.
జూలై నుంచి రెగ్యుల‌ర్ షూటింగ్ జ‌రుపుకోనున్న ఈ చిత్రంలో క‌థానాయిక‌గా అనుప‌మ ఎంపికైంద‌ని స‌మాచారం. న‌ట‌న‌కు అవ‌కాశ‌మున్న పాత్ర కావ‌డంతో.. అనుప‌మ ఈ సినిమాని చేసేందుకు వెంట‌నే అంగీక‌రించార‌ట. ఈ ప్రాజెక్ట్‌కు సంబంధించిన మ‌రిన్ని వివ‌రాలు త్వ‌ర‌లోనే వెల్ల‌డి కానున్నాయి. అనుప‌మ క‌థానాయిక‌గా న‌టించిన తాజా చిత్రం తేజ్ ఐ ల‌వ్ యు జూలై 6న విడుద‌ల కానుంది.