அஜித்துடன் நடிக்க ஆசைப்படும் தனுஷ் நாயகி
- IndiaGlitz, [Wednesday,August 24 2016]
கோலிவுட் திரையுலகில் அறிமுக நடிகைகளாக இருந்தாலும் சீனியர் நடிகையாக இருந்தாலும் அவர்களது ஒரே குறிக்கோள் அஜித்துடன் ஒரு படத்திலாவது நடித்துவிட வேண்டும் என்பதாகத்தான் இருக்கும். இந்த ஆசை ஒருசில நடிகைகளுக்கு விரைவிலும், ஒருசிலருக்கு பல வருடங்களாக நிறைவேறாமலும் போய்விடுவதுண்டு.
இந்நிலையில் 'பிரேமம்' என்ற ஒரே படத்தின் மூலம் தென்னிந்திய மக்களின் மனங்களை கொள்ளை கொண்ட அனுபமா பரமேஸ்வரன் தனது சமூக வலைத்தளத்தில் 'அஜித்துடன் நடிக்க வேண்டும் என்பதே தனது ஒரே ஆசை என்றும் அந்த ஆசை விரைவில் நிறைவேறும் என்று நம்புவதாகவும் தெரிவித்துள்ளார்.
இவர் தனுஷ் நடித்து முடித்துள்ள 'கொடி' படத்தின் நாயகிகளில் ஒருவர் என்பதும் குறிப்பிடத்தக்கது. அனுபமாவின் ஆசை அஜித்தின் அடுத்த படத்திலாவது நிறைவேறுமா? என்பதை பொறுத்திருந்து பார்ப்போம்.