చరణ్ మూవీలో చైతు హీరోయిన్..!
- IndiaGlitz, [Friday,January 13 2017]
ధృవ చిత్రంతో స‌క్సెస్ సాధించిన మెగా ప‌వ‌ర్ స్టార్ రామ్ చరణ్ నెక్ట్స్ మూవీని సుకుమార్ ద‌ర్శ‌క‌త్వంలో చేయ‌నున్న విషయం తెలిసిందే. చరణ్ - సుకుమార్ కాంబినేషన్లో రూపొందే భారీ చిత్రాన్ని మైత్రీ మూవీ మేక‌ర్స్ సంస్థ నిర్మిస్తుంది. 1980 - 1990 మ‌ధ్య జ‌రిగే విభిన్న గ్రామీణ ప్రేమ‌క‌ధా చిత్రంగా ఈ సినిమాని సుకుమార్ తెర‌కెక్కించ‌నున్నారు.
ఇక ఈ చిత్రంలో చరణ్ స‌ర‌స‌న అ ఆ, ప్రేమ‌మ్, శ‌త‌మానం భ‌వ‌తి చిత్రాల్లో న‌టించిన అనుప‌మ పరమేశ్వరన్ న‌టిస్తుంది. ఈ విష‌యాన్ని అనుప‌మ పరమేశ్వరన్ ట్విట్ట‌ర్ ద్వారా తెలియచేస్తూ...అంద‌రికీ భోగి పండ‌గ శుభాకాంక్ష‌లు. తెలుగులో నా నెక్ట్స్ మూవీ రామ్ చరణ్, సుకుమార్ సినిమాలో చేస్తున్నాను. మైత్రీ మూవీ మేక‌ర్స్ ఈ చిత్రాన్ని నిర్మిస్తుంది అంటూ ట్వీట్ చేసింది.
తెలుగులో అనుప‌మ పరమేశ్వరన్ కు ఇది బిగ్ ప్రాజెక్ట్ కావ‌డం విశేషం.