అనుప‌మ.. అసిస్టెంట్ డైర‌క్ట‌ర్‌
- IndiaGlitz, [Saturday,June 01 2019]
అనుప‌మ ప‌ర‌మేశ్వ‌రన్ ఇప్పుడు కొత్త జాబ్ చేస్తున్నారు. మ‌ల‌యాళం ఇండ‌స్ట్రీలో అసిస్టెంట్ డైరక్టర్గా. మ‌రి నాయిక‌గా కెరీర్‌కు ఫుల్ స్టాప్ పెట్టేసిన‌ట్టేనా? ఏమాత్రం కాదు. ఆమె న‌టిగా చాలా హాయిగా ఉన్నారు. అంతెందుకు తెలుగులో 'రాక్ష‌సుడు' విడుద‌ల‌కు సిద్ధ‌మ‌వుతోంది. మ‌రో వైపు మ‌ల‌యాళంలో దుల్క‌ర్ స‌ల్మాన్ ప్రొడ‌క్ష‌న్ హౌస్‌లో ఆమె హీరోయిన్‌. ఇప్పుడు ఆమె అసిస్టెంట్ డైరక్టర్గా ప‌నిచేస్తున్న‌ది కూడా ఆ సినిమా కోస‌మే. కొత్త ద‌ర్శ‌కుడు షాంశు జైబా ఈ సినిమా ద్వారా ద‌ర్శ‌కుడిగా ప‌రిచ‌య‌మ‌వుతున్నారు.
జాకోబ్ గ్రెగ‌రీ హీరోగా న‌టిస్తున్నారు. ఈయ‌న ఇంత‌కు మునుపు దుల్క‌ర్‌తో క‌లిసి 'ఏబీసీడీ', 'ప‌ర‌వ', '100 డేస్ ల‌వ్', 'జోమోట్ సువిశేష‌గ‌ల్‌' త‌దిత‌ర చిత్రాల్లో న‌టించారు. 'జోమోట్ సువిశేస‌గ‌ల్‌'లో దుల్క‌ర్ స‌ర‌స‌న అనుప‌మ న‌టించింది. ఆ సినిమా త‌ర్వాత ఆమె దుల్క‌ర్‌తో అసోసియేట్ కావ‌డం ఇదే. కానీ ఈ సినిమాలో వీరిద్ద‌రూ జోడీ క‌ట్ట‌డం లేదు. నిర్మాత‌గా దుల్క‌ర్ వ్య‌వ‌హ‌రిస్తున్నారు. న‌టిగా, అసిస్టెంట్ డైరక్టర్గా అనుప‌మ ప‌నిచేస్తున్నారు. త‌న రోల్ అయిపోయిన వెంట‌నే కేర్‌వ్యాన్ వైపు వెళ్తున్న హీరోయిన్లున్న ఈ కాలంలో అనుప‌మ డెడికేష‌న్‌ను చాలా మంది మెచ్చుకుంటున్నారు.