అను.. మెగా నామ సంవ‌త్స‌రం?
- IndiaGlitz, [Thursday,December 07 2017]
ప‌వ‌ర్ స్టార్ ప‌వ‌న్ కళ్యాణ్, స్టైలీష్ స్టార్ అల్లు అర్జున్‌, మెగాప‌వ‌ర్ స్టార్ రామ్‌చ‌ర‌ణ్‌.. ఇలా ఈ ముగ్గురు మెగా హీరోస్ తో జోడీక‌ట్టిన కథానాయికలుగా త‌మ‌న్నా, శ్రుతి హాస‌న్‌, కాజ‌ల్‌, స‌మంత‌కి ప్ర‌త్యేక స్థానం ఉంది. అయితే.. వీరిలో ఏ ఒక్క‌రూ ఒకే ఏడాదిలో ఈ ముగ్గురు క‌థానాయ‌కుల‌తో సంద‌డి చేసిన సంద‌ర్భం లేదు. మ‌హా అయితే.. ఏ ఇద్ద‌రితోనో ఒకే సంవ‌త్స‌రంలో సంద‌డి చేసిన సంద‌ర్భం ఉంది.
అయితే.. కేర‌ళ‌కుట్టి అను ఇమ్మాన్యుయేల్ మాత్రం అందుకు భిన్నంగా.. వ‌చ్చే ఏడాది ఈ ముగ్గురు మెగా హీరోస్ తో తెర‌పై క‌నిపించేందుకు సిద్ధ‌మ‌వుతోంది. ప‌వ‌న్ కళ్యాణ్ కి జోడిగా అను నటించిన అజ్ఞాత‌వాసి వ‌చ్చే ఏడాది జ‌న‌వ‌రి 10న విడుదల కానుండ‌గా.. అల్లు అర్జున్‌తో అను క‌లిసి న‌టిస్తున్న నా పేరు సూర్య ఏప్రిల్ 27న సంద‌డి చేయ‌నుంది.
ఇక రామ్‌చ‌ర‌ణ్‌, బోయ‌పాటి సినిమాలో కూడా అను పేరునే ప్ర‌ముఖంగా వినిపిస్తోంది. ఒక‌వేళ అది క‌న్‌ఫ‌ర్మ్ అయితే.. ఆ సినిమా ద‌స‌రాకి వ‌చ్చే అవ‌కాశ‌ముంది కాబట్టి.. ఒకే ఏడాదిలో ఈ ముగ్గురు మెగా హీరోల‌తో అను సంద‌డి చేసిన‌ట్ల‌వుతుంది. మ‌రి.. అనుకి అలాంటి అరుదైన అవ‌కాశం ద‌క్కుతుందా? వెయిట్ అండ్ సీ!