నానితో మ‌జ్ను సినిమాలో జ‌త క‌ట్టిన మ‌ల‌యాళ ముద్దుగుమ్మ అను ఇమ్మాన్యుయేల్ ప్రారంభంలో మంచి అవ‌కాశాల‌నే అందిపుచ్చుకుంది. ప‌వ‌ర్‌స్టార్ ప‌వ‌న్‌క‌ల్యాణ్‌తో అజ్ఞాత‌వాసి, స్టైలిష్ స్టార్ అల్లు అర్జున్‌తో నా పేరు సూర్య నా ఇల్లు ఇండియా సినిమాల్లో న‌టించింది. అయితే త‌ర్వాత ఏమైందో ఏమో కానీ.. పోటీలో నిల‌వ‌లేక‌పోయింది. కొత్తగా వ‌చ్చిన హీరోయిన్స్ అవ‌కాశాల‌ను అందింపుచ్చుకుంటుంటే అను మాత్రం ఊసులోనే లేకుండా పోయింది. అయితే ఈ మ‌ధ్య బెల్లంకొండ శ్రీనివాస్‌, సంతోష్ శ్రీనివాస్ కాంబినేష‌న్‌లో రూపొంద‌బోయే సినిమాలో న‌టిస్తుంద‌న్నారు.

ఏదైతేనేం అను ఇమ్మాన్యుయేల్‌కు మంచి అవ‌కాశం వ‌చ్చింద‌ని అంద‌రూ అనుకున్నారు. సినిమాలో న‌భా న‌టేశ్ కూడా ఉండ‌టంతో అను సెకండ్ హీరోయిన్ అని అంద‌రూ భావించారు. కానీ సినీ వ‌ర్గాల స‌మాచారం మేర‌కు అను ఇమ్మాన్యుయేల్ సెకండ్ హీరోయిన్‌గా కూడా న‌టించ‌డం లేద‌ట‌. సినిమాలో విల‌న్‌గా న‌టిస్తోన్న సోనూసూద్ భార్య పాత్ర‌లో క‌నిపించ‌నుంద‌ని అంటున్నారు. స్లార్ హీరోలైన ప‌వ‌న్‌క‌ల్యాణ్‌, అల్లు అర్జున్‌ల‌తో న‌టించి కూడా అను ఇమ్మాన్యుయేల్ ఎందుకు ఈ పాత్ర ఒప్పుకుందో అర్థం కావ‌డం లేద‌ని కొంద‌రు అంటున్నారు. మ‌రి అను ఎందుకా పాత్ర ఒప్పుకుందో తెలియాలంటే విడుద‌ల వ‌ర‌కు ఆగాల్సిందే.