పైరసీని అడ్డుకున్న ఖైదీ నెం 150 టీమ్..!
- IndiaGlitz, [Friday,January 13 2017]
స్టార్ హీరోల సినిమాలు రిలీజ్ అయిన వెంట‌నే మార్కెట్ లో, ఇంట‌ర్నెట్ లో పైరసీ సీడీలు ద‌ర్శ‌న‌మిస్తున్నాయి. పైరసీ సీడీల‌ను చూడ‌ద్దు అని ఎంతగా ప్ర‌చారం చేసినా...పైరసీ చేసిన వారిని పోలీసులు అరెస్ట్ చేస్తున్నా...స్టార్ హీరోల సినిమాల‌ను పైరసీ చేస్తునే ఉన్నారు.
తాజాగా మెగాస్టార్ చిరంజీవి న‌టించిన 150వ చిత్రం ఖైదీ నెం 150. ఈ భారీ చిత్రం పైరసీ చేస్తున్న వాళ్ల‌ను ఖైదీ నెం 150 యాంటీ పైరసీ టీమ్ ప‌ట్టుకుంది. న‌ల్గొండ జిల్లా చిట్యాలో ఖైదీ నెం 150, ధృవ చిత్రాల‌ను పైరసీ చేస్తున్న వ్య‌క్తిని పోలీసులు అరెస్ట్ చేసారు.
ఈ సందర్భంగా పైరసీ చేస్తున్న వాళ్ల‌ను ప‌ట్టుకోవ‌డంలో ఎంత‌గానో స‌హ‌క‌రించిన చిట్యాల ఎస్.పి సీతారామ్ కు కొణిదెల ప్రొడ‌క్ష‌న్ కంపెనీ స్పెష‌ల్ థ్యాంక్స్ తెలియ‌చేసింది.