మరో వైసీపీ ఎమ్మెల్యేకు తాజాగా కరోనా పాజిటివ్‌గా నిర్ధారణ అయింది. ఇటీవలి కాలంలో వైసీపీ ఎమ్మెల్యేలు వరుసగా.. కరోనా బారిన పడుతున్నారు. ఏపీలో ఇప్పటికే డిప్యూటీ సీఎం అంజద్ బాషా సహా ఎస్.కోట ఎమ్మెల్యే కడుబండి శ్రీనివాసులు, పొన్నూరు ఎమ్మెల్యే కిలారి రోశయ్యకు, సూళ్లూరుపేట ఎమ్మెల్యే కిలివేటి సంజీవయ్య, శ్రీశైలం ఎమ్మెల్యే శిల్పా చక్రపాణి రెడ్డికి కరోనా పాజిటివ్‌గా నిర్ధారణ అయిన విషయం తెలిసిందే. వీరంతా క్రమక్రమంగా కోలుకుంటున్నారు.

అయితే తాజాగా తెనాలి ఎమ్మెల్యే అన్నాబత్తుని శివకుమార్‌కు కరోనా పాజిటివ్‌గా నిర్ధారణ అయింది. గుంటూరు జిల్లాలో కరోనా విజృంభిస్తోంది. ఈ నేపథ్యంలో అధికార యంత్రాంగమంతా కరోనా బారిన పడుతోంది. ఇప్పటికే మున్సిపల్ కమిషనర్, ఒక ఎమ్మార్వో, ప్రభుత్వ ఆసుపత్రి వైద్యులు, పోలీస్ సిబ్బంది వైరస్ బారినపడ్డారు. కాగా.. ప్రస్తుతం శివకుమార్ హోం క్వారంటైన్‌లో ఉన్నారు.