தெலுங்கானா மாநிலத்தில் உள்ள ஹைதராபாத்தில் கால்நடை பெண் மருத்துவர் பிரியங்கா ரெட்டி அவர்கள் நான்கு நபர்களால் பாலியல் பலாத்காரம் செய்யப்பட்டு உயிரோடு எரித்து கொலை செய்யப்பட்ட சம்பவம் பெரும் அதிர்ச்சியை ஏற்படுத்தியது

இந்த அதிர்ச்சியை நீங்குவதற்கு முன்பாக கிட்டத்தட்ட அதே இடத்தில் மேலும் ஒரு பெண் பாலியல் பலாத்காரம் செய்யப்பட்டு அதேபோல் எரித்துக் கொலை செய்யப்பட்டிருப்பது அதிர்ச்சியின் உச்சத்தை அடைய வைத்துள்ளது. இந்த இரு சம்பவங்களுக்கும் தொடர்பு இருக்கின்றதா? என்பது குறித்து போலீசார் இன்னும் உறுதி செய்யவில்லை

தெலுங்கானா மாநிலத்தில் உள்ள ஷாம்ஷாபாத் என்ற பகுதியில் நேற்று கால்நடை பெண் மருத்துவர் பிரியங்கா ரெட்டி உடல் பாதி எரிந்த நிலையில் கண்டுபிடிக்கப்பட்டது தெரிந்ததே. இந்த நிலையில் அந்த இடத்தில் இருந்து ஒரு சில கிலோமீட்டர் தூரத்தில் மற்றொரு பெண்ணின் உடல் பாதி எரிந்த நிலையில் கண்டுபிடிக்கப்பட்டுள்ளதாக செய்திகள் வெளிவந்துள்ளது. இந்த குற்றத்தை செய்த கொலையாளிகளை போலீசார் தேடி வருகின்றனர்

இரண்டு கொலைகளையும் ஒரே குரூப் தான் செய்ததா? அல்லது வெவ்வேறு குழுவினரா? என்பது குறித்து போலீசார் தீவிர விசாரணை நடத்தி வருகின்றனர். ஒரே பகுதியில் அடுத்தடுத்து இரண்டு பெண்கள் பாலியல் பலாத்காரம் செய்யப்பட்டதோடு, உயிரோடு எரித்து கொலை செய்யப்பட்ட சம்பவங்கள் தெலுங்கானா மாநிலத்தையே உலுக்கி உள்ளது என்பது குறிப்பிடத்தக்கது