మ‌రో వైల్డ్ కార్డ్ ఎంట్రీ.. హౌస్‌మేట్స్‌కి షాక్
- IndiaGlitz, [Thursday,September 26 2019]
తెలుగు రియాలిటీ షో బిగ్బాస్ ఇప్పుడు మూడోసీజ‌న్ జ‌రుగుతుంది. నాగార్జున అక్కినేని వ్యాఖ్యాత‌గా వ్య‌వ‌హ‌రిస్తోన్న ఈ షో ఇప్పటికే 8 వారాల‌ను పూర్తి చేసుకుంది. అలాగే 7 ఎలిమినేష‌న్స్ జ‌రిగాయి. ఎలిమినేష‌న్ ప్ర‌తి వారానికి క‌ష్టంగా మారుతూ వ‌స్తుంది. ప్రేక్ష‌కుల్లో మ‌రింత ఆస‌క్తిని పెంపొందించ‌డానికి బిగ్బాస్ వైల్డ్ కార్డీ ఎంట్రీకి రంగం సిద్ధం చేశాడు. అస‌లు బిగ్బాస్ హౌస్‌లోకి ఎవ‌రు రంగ ప్ర‌వేశం చేయ‌నున్నార‌నే దానిపై గురువారం రాత్రికి క్లారిటీ రానుంది. అయితే బ‌య‌ట విన‌ప‌డుతున్న స‌మాచారం మేర‌కు బిగ్బాస్ హౌస్‌లోకి ఈసారి వైల్డ్ కార్డ్ ద్వారా ఎంట్రీ కాదు.. రీ ఎంట్రీ జ‌ర‌గ‌నుంద‌ని టాక్‌. ఇంత‌కు రీ ఎంట్రీ ఇస్తున్నదెవ‌రో కాదు.. బుల్లితెర న‌టుడు అలీ రెజా. రెండు వారాల క్రితం బిగ్బాస్ హౌస్ నుండి అలీ రెజా ఎలిమినేట్ అయ్యాడు. తొలిసారి నామినేట్ కాగానే..ఎలిమినేట్ అయ్యి అంద‌రినీ ఆశ్చ‌ర్య‌ప‌రిచాడు. అయితే బ‌య‌ట‌కు వ‌చ్చిన త‌ర్వాత అలీ రెజాకు క్రేజ్ పెరిగింది. దీంతో బిగ్బాస్ మ‌రోసారి త‌న‌ని వైల్డ్ కార్డ్ ద్వారా రీ ఎంట్రీ చేస్తున్నాడు.
ఇది రెండో రీ ఎంట్రీ..
ఈసారి బిగ్‌బాస్‌లో రీ ఎంట్రీలు రెండు జ‌రిగాయి. అది కూడా రెండు వ‌రుస వారాలు కావ‌డం విశేషం. గ‌త వారం రాహుల్‌ను ఎలిమినేట్ అంటూ ప్ర‌క‌టించి, నానా హంగామా చేయించిన బిగ్బాస్ చివ‌రికి దాన్ని ఫేక్ ఎలిమినేష‌న్ అని ప్ర‌కించి ప్రేక్ష‌కుల‌కు షాకిచ్చాడు. అంతే కాకుండా త‌న‌ని బిగ్బాస్ హౌస్‌లోకి రీ ఎంట్రీ చేయించాడు. ఫేక్ ఎలిమినేట్ అని రాహుల్‌ను రీ ఎంట్రీ చేసిన బిగ్బాస్.. ఇప్పుడు ఎలిమినేట్ అయిన అలీ రెజాకు అవ‌కాశం ఇస్తున్నాడు.
మూడో వైల్డ్ కార్డ్ ఎంట్రీ..
సీజ‌న్ 3లో జ‌రుగుతున్న మూడో వైల్డ్‌కార్డ్ ఎంట్రీ ఇది. ఇది వ‌ర‌కు త‌మ‌న్నా సింహాద్రి, శిల్పా చ‌క్ర‌వ‌ర్తి వైల్డ్ కార్డ్ ద్వారా ఎంట్రీ ఇచ్చారు. అయితే వీరిద్ద‌రూ పెద్ద‌గా రాణించ‌లేక వెనుదిరిగారు.