சீயான் குடும்பத்தில் இருந்து சினிமாவுக்கு வந்த இன்னொரு நாயகன்
- IndiaGlitz, [Thursday,March 15 2018]
சீயான் விக்ரம் மகன் துருவ், இயக்குனர் பாலா இயக்கி வரும் 'வர்மா' என்ற படத்தில் நாயகனாக அறிமுகமாகிறார் என்பது ஏற்கனவே தெரிந்ததுதான். இந்த நிலையில் சீயான் குடும்பத்தில் இருந்து இன்னொரு நாயகன் கோலிவுட் திரையுலகில் அறிமுகமாகவுள்ளார்
சீயான் விக்ரம் சகோதரியின் மகன் அர்ஜுமன் என்பவர் விரைவில் பெயரிடப்படாத ஒரு புதிய படத்தில் கதாநாயகனாக நடிக்கவுள்ளார்.
சினிமா பள்ளியில் நடிப்பு கலையை முறையே பயின்றுள்ள இவருக்கு சிறு வயது முதலே நடிப்பின் மேல் உள்ள ஈர்ப்பால் கதாநாயகனாக வேண்டும் என்ற ஆசையில், குடும்பத்தினரின் அரவணைப்போடு கலையுலகத்திற்கு அறிமுகமாகிறார் அர்ஜுமன். சீயானின் இரண்டு வாரிசுகளும் திரையுலகில் அவரை போலவே ஜொலிக்க நமது வாழ்த்துக்கள்