చిరు ‘లూసిఫర్’ నుంచి మరో అప్‌డేట్
- IndiaGlitz, [Friday,January 01 2021]
మోహ‌న్ లాల్ నటించిన మ‌ల‌యాళ బ్లాక్ బ‌స్టర్ మూవీ ‘లూసిఫర్’ తెలుగు రీమేక్లో మెగాస్టార్ చిరంజీవి నటించనున్న విషయం తెలిసిందే. చిరంజీవి 153వ సినిమాగా ఈ చిత్రం తెరకెక్కనుంది. అయితే ఈ సినిమా అప్‌డేట్ కోసం చిరు అభిమానులు ఎంతగానో ఎదురు చూస్తున్నారు. కొద్ది రోజుల క్రితం వరకూ దర్శకుడి విషయంలో సస్పెన్స్ కొనసాగింది. ఈ సినిమా రీమేక్ కోసం ఎందరో దర్శకుల పేర్లు వినిపించాయి. అయితే ఫైనల్‌గా సినిమాకు దర్శకుడు ఫిక్స్ అయ్యారు. ‘త‌నిఒరువ‌న్’ ఫేం మోహ‌న్ రాజా ఈ రీమేక్‌కు దర్శకత్వం వహించనున్నారు.
కాగా.. ఈ సినిమాలో సత్యదేవ్‌కు అవకాశం దక్కిందని సమాచారం. ‘లూసిఫర్’ రీమేక్లో ఓ కీలక పాత్రలో సత్యదేవ్ నటిస్తున్నట్టు తెలుస్తోంది. లాక్‌డౌన్ సమయంలో తన నటన ద్వారా మంచి నేమ్, ఫేమ్‌ను సత్యదేవ్ సంపాదించుకున్నారు. లాక్‌డౌన్ సమయంలో సత్యదేవ్ నటించిన ‘ఉమామహేశ్వర ఉగ్రరూపస్య’ ఓటీటీ ద్వారా విడుదల అయ్యింది. ఈ సినిమా విమర్శకుల ప్రశంసలను సైతం పొందింది. ఈ సినిమా మంచి టాక్‌ను సంపాదించుకుంది. దీంతో సత్యదేవ్ లాక్‌డౌన్ స్టార్‌గా మారిపోయారు. దీంతో ఆయనకు వరుస అవకాశాలు వస్తున్నాయి. తాజాగా చిరు సినిమాలో ఛాన్స్ కొట్టేయడంతో ఇది ఆయన కెరీర్‌గా అదిరిపోయే టర్నింగ్ పాయింట్ కానుంది.