ఇప్పుడు మరో టైటిల్ వినపడుతుంది...
- IndiaGlitz, [Tuesday,August 18 2015]
మెగా పవర్ స్టార్ రామ్ చరణ్ హీరోగా శ్రీనువైట్ల దర్శకత్వంలో సినిమా రూపొందుతోన్న సంగతి తెలిసిందే. కామెడి ఎంటర్ టైనర్ గా రూపొందుతోన్న ఈ చిత్రంలో రకుల్ ప్రీత్ సింగ్ హీరోయిన్ గా నటిస్తుంది. ఈ సినిమాకి మై నేమ్ ఈజ్ రాజు అనే టైటిల్ ముందుగా వినపడింది. తర్వాత బ్రూస్ లీ, సుప్రీమ్, విజేత టైటిల్స్ వినపడ్డాయి.
తాజాగా మెరుపు అనే టైటిల్ వినపడుతుంది. గతంలో ధరణి దర్శకత్వంలో ఈ టైటిల్ తోనే సినిమా స్టార్టయినా కొన్ని కారణాలతో సినిమా ఆగిపోయింది. ఇప్పుడు ఆ టైటిల్ పెడతారనే వార్తలు వినపడుతున్నాయి. అయితే టైటిల్ విషయంలో ఇంకా ఏం క్లారిటీ రాలేదు. డి.వి.వి.ఎంటర్ టైన్మెంట్స్ బ్యానర్ పై డి.వి.వి.దానయ్య ఈ చిత్రాన్ని నిర్మిస్తున్నాడు. దసరా కానుకగా ఈ చిత్రాన్ని అక్టోబర్ లో విడుదల చేయడానికి సన్నాహాలు చేస్తున్నారు.