పరిశీలనలో మరో టైటిల్
- IndiaGlitz, [Tuesday,August 13 2019]
స్టైలిష్ స్టార్ అల్లు అర్జున్, స్టార్ డైరెక్టర్ త్రివిక్రమ్ కాంబినేషన్‌లో రూపొందుతోన్న హ్యాట్రిక్ మూవీ చిత్రీకరణను జరుపుకుంటోంది. ఈ సినిమా టైటిల్‌ను స్వాతంత్ర్య దినోత్సవం సందర్భంగా ఆగస్ట్ 15న అనౌన్స్ చేస్తామని చిత్ర యూనిట్ ప్రకటించింది. ఈ సినిమా టైటిల్ విషయంలో ఎప్పటి నుండో చాలా పేర్లు వినపడుతున్నాయి.
'పార్థు', 'అలకనంద', 'నాన్న నేను' పేర్లు టైటిల్‌గా పెట్టే అవకాశం ఉందని అన్నారు. అయితే తాజాగా.. మరో టైటిల్ కూడా వార్తల్లోకి వచ్చింది. బన్నీ తదుపరి చిత్రానికి 'వైకుంఠపురంలో..' అనే టైటిల్‌ను కూడా అనుకుంటున్నారట. మరి అసలు యూనిట్ ఫిక్స్ అయిన టైటిల్ ఏంటో తెలియాలంటే ఆగస్ట్ 15 వరకు ఆగాల్సిందే.
బన్నీ సరసన పూజా హెగ్డే హీరోయిన్‌గా నటిస్తోన్న ఈ చిత్రంలో టబు కీలక పాత్రలో నటిస్తుంది. సినిమాను వచ్చే ఏడాది సంక్రాంతికి విడుదల చేయడానికి దర్శక నిర్మాతలు సన్నాహాలు చేస్తున్నారు.