బాల‌య్య 106 కోసం మ‌రో టైటిల్...?
- IndiaGlitz, [Wednesday,August 19 2020]
నంద‌మూరి బాల‌కృష్ణ హీరోగా న‌టిస్తోన్న 106 చిత్రం చిత్రీక‌ర‌ణ ద‌శ‌లో ఉంది. బోయ‌పాటి శ్రీను ద‌ర్శ‌క‌త్వంలో సినిమా తెర‌కెక్కుతోంది. తొలి షెడ్యూల్ పూర్త‌యిన ఈ సినిమా క‌రోనా వైర‌స్ ప్ర‌భావం షూటింగ్‌ను ఆపేసింది. క‌రోనా ప్ర‌భావం త‌గ్గిన త‌ర్వాత సినిమా కొత్త షెడ్యూల్ ప్రారంభం కానుంది. ఇందులో హీరో శ్రీకాంత్ విల‌న్‌గా న‌టిస్తున్నాడ‌నే సంగ‌తి తెలిసిందే. ఇప్పుడు మ‌రో విల‌న్‌గా వివేక్ ఒబెరాయ్ న‌టించే అవ‌కాశాలున్నాయ‌ని స‌మాచారం. ఈసినిమాకు టైటిల్ ఇదంటూ ప‌లు టైటిల్స్ సోష‌ల్ మీడియాలో వార్తలు చ‌క్క‌ర్లు కొడుతున్నాయి. ‘మొనార్క్‌, మొన‌గాడు’ వంటి టైటిల్స్ ప‌రిశీల‌న‌లో ఉన్న‌ట్లు వార్తలు వినిపించాయి. తాజాగా బొనాంజ అనే టైటిల్ కూడా ఈ లిస్టులో చేరింద‌ని అంటున్నారు.
ఈ చిత్రంలో బాల‌య్య ద్విపాత్రాభినయం చేస్తున్నార‌ట. అందులో ఓ పాత్ర అఘోరా పాత్ర. ఈ చిత్రంలో భూమిక లేడీ విల‌న్‌గా న‌టిస్తుంద‌ని వార్తలు విన‌ప‌డుతున్నాయి. సింహా, లెజెండ్ చిత్రాల త‌ర్వాత బాల‌కృష్ణ, బోయ‌పాటి కాంబినేష‌న్‌లో వ‌స్తున్న చిత్రం కావ‌డంతో సినిమాపై భారీ అంచ‌నాలున్నాయి. ఇందులో కొత్త హీరోయిన్ న‌టిస్తుంది. ఇద్ద‌రు హీరోయిన్స్‌లో ఓ స్టార్ హీరోయిన్‌తో పాటు ఓ కొత్త హీరోయిన్ కూడా న‌టించే అవ‌కాశాలున్నాయ‌ని స‌మాచారం.