స్టైలిష్ స్టార్ అల్లు అర్జున్‌, త్రివిక్ర‌మ్ కాంబినేష‌న్‌లో రూపొందుతోన్న హ్యాట్రిక్ మూవీ ఈ నెల 24 నుండి షూటింగ్ జ‌రుపుకోనుంది. ఈ సినిమా టైటిల్ విష‌యంలో 'పార్థు', 'నాన్న నేను' అనే రెండు టైటిల్స్ ప్ర‌ధానంగా వినిపించాయి. అయితే తాజాగా ఇప్పుడు 'అల‌క‌నంద‌' అనే మ‌రో టైటిల్ విన‌డుతుంది.

అందుకు కార‌ణం.త్రివిక్ర‌మ్ సెంటిమెంట్‌ను ఫాలో అవుతుండ‌ట‌మే అంటున్నారు. త్రివిక్ర‌మ్ సినిమాల్లో కొన్ని మిన‌హా అత్తారింటికి దారేది, అఆ, అజ్ఞాత‌వాసి, అర‌వింద స‌మేత వీర రాఘ‌వ చిత్రాల‌న్నీ అ అనే అక్ష‌రంతోనే ప్రారంభ‌మైయ్యాయి.

ఇప్పుడు అదే సెంటిమెంట్‌ను ఫాలో కావాల‌ని త్రివిక్రమ్ భావించి ఈ టైటిల్‌ను పెట్టాల‌నుకుంటున్నాడ‌ని వార్త‌లు విన‌ప‌డుతున్నాయి. పూజా హెగ్డే హీరోయిన్‌గా నటిస్తోంది.