ஏற்கனவே நடிகை த்ரிஷா தென்னிந்திய திரையுலகின் முன்னணி நட்சத்திரங்களுடன் நடித்து வரும் நிலையில், அவரது சூப்பர்ஹிட் படம் ஒன்றின் இரண்டாம் பாகம் உருவாக இருப்பதாக கூறப்படுகிறது.

நடிகை திரிஷா தற்போது அஜித்துடன் 'விடாமுயற்சி' மற்றும் ‘குட் பேட் அக்லி’, மோகன்லாலுடன் ’ராம்’, டொவினோ தாமஸ் உடன் ‘ஐடெண்டிட்டி’ ஆகிய படங்களில் நடித்து வருகிறார். மேலும், நேற்று பூஜையுடன் தொடங்கிய சூர்யாவின் 45வது படத்திலும் த்ரிஷா தான் நாயகி என்று கூறப்படுகிறது.

இந்த நிலையில், கடந்த 2018 ஆம் ஆண்டு விஜய் சேதுபதி மற்றும் த்ரிஷா நடித்த '96' திரைப்படம் மிகப்பெரிய வரவேற்பை பெற்றது. இப்போது, அந்த படத்தின் இரண்டாம் பாகத்தை உருவாக்க படக்குழுவினர் திட்டமிட்டுள்ளதாகவும், இதுகுறித்த அறிவிப்பு விரைவில் வெளியாகும் என்றும் கூறப்படுகிறது.

த்ரிஷாவின் திரையுலக வாழ்வில் பெரும் திருப்புமுனையை ஏற்படுத்திய காவியமான '96' திரைப்படத்தின் அடுத்த பாகத்திற்காக ரசிகர்கள் ஆவலுடன் காத்திருக்கின்றனர். இதனை அடுத்து, த்ரிஷாவுக்கு இன்னொரு சூப்பர் ஹிட் படம் தயாராகி வருவதாகவும், அவருக்கு ரசிகர்கள் வாழ்த்துக்களை தெரிவித்து வருகின்றனர்.