మ‌రో వార‌సుడి ఎంట్రీ
- IndiaGlitz, [Tuesday,September 05 2017]
ఇప్పుడు అంత‌గా చెప్పుకోవ‌డం లేదు కానీ, నాలుగైదు ఏళ్ల క్రితం అందరి నోటా వినిపించిన హీరో పేరు ర‌వితేజ. ఏడాదికి రెండు, మూడు సినిమాల‌తో ఇండ‌స్ట్రీ దృష్టిని ఆక‌ర్షించిన ర‌వితేజ ఈ మ‌ధ్య స్పీడు త‌గ్గించి కాస్త నిదానంగా స్క్రిప్ట్ ల‌ను ఎంపిక చేసుకుని న‌టిస్తున్నారు.
ప్ర‌స్తుతం అనిల్ రావిపూడి దర్శకత్వంలో ఆయ‌న న‌టిస్తున్న సినిమా 'రాజా ది గ్రేట్‌'. ఈ చిత్రాన్ని అక్టోబ‌ర్ 12న విడుద‌ల చేయ‌డానికి స‌న్నాహాలు చేస్తున్నారు. తాజా స‌మాచారం ప్ర‌కారం ఈ సినిమాకు ఓ స్పెష‌ల్ అట్రాక్ష‌న్ ఉంది. ఆ సినిమాలో ర‌వితేజ త‌న‌యుడు మ‌హాధ‌న్ న‌టిస్తున్నార‌ని స‌మాచారం.
స్వ‌త‌హాగా మ‌హాధ‌న్‌కి సినిమాలంటే మ‌హా ఆస‌క్తి. విడుద‌ల‌య్యే ప్ర‌తిసినిమానూ చూసి క‌రెక్ట్ రిజ‌ల్ట్ చెబుతాడ‌ని ఇప్ప‌టికే చాలా సార్లు ర‌వితేజ కూడా వెల్ల‌డించారు. మ‌హాధ‌న్ ఆస‌క్తిని గ‌మ‌నించిన అనిల్ రావిపూడి 'రాజా ది గ్రేట్‌' చిత్రంలో చిన్న‌ప్ప‌టి ర‌వితేజ పాత్ర‌లో న‌టించ‌మ‌ని అడిగార‌ట. ర‌వితేజ కూడా ఒప్పుకోవ‌డంతో సాధ్య‌మైంది అని స‌మాచారం.