మ‌హ‌ర్షి వంటి బ్లాక్‌బ‌స్ట‌ర్ హిట్ త‌ర్వాత డైరెక్ట‌ర్ వంశీ పైడిప‌ల్లి వెంట‌నే సూప‌ర్‌స్టార్‌ మ‌హేశ్‌తో సినిమా చేయాల్సింది. లైన్ విన్న మ‌హేశ్ కూడా ఓకే అన్నాడు. అయితే త‌ర్వాత పూర్తి స్క్రిప్ట్ విన్న త‌ర్వాత వంశీకి నో చెప్పేశాడు. వెంట‌నే ప‌రుశురామ్‌తో సినిమా చేయ‌డానికి రెడీ అయిపోయాడు. దీంతో షాక్ తిన్న వంశీ పైడిప‌ల్లి మెగాప‌వ‌ర్‌స్టార్ రామ్‌చ‌ర‌ణ్‌ను క‌లిశాడు. చ‌ర‌ణ్‌కు కూడా వంశీ చెప్పిన లైన్ న‌చ్చింది. పూర్తి స్క్రిప్ట్‌ను చ‌ర‌ణ్ ఇమేజ్‌ను దృష్టిలో పెట్టుకుని వంశీ పైడిప‌ల్లి త‌యారు చేసి వినిపించాడ‌ట‌. అయితే చ‌ర‌ణ్‌కు శాటిస్పాక్ష‌న్‌గా అనిపించ‌లేదు. దీంతో ప్రాజెక్ట్‌ను హోల్డ్‌లో పెట్టేశాడు. మ‌రి వంశీ పైడిప‌ల్లి మరోసారి చ‌ర‌ణ్‌ను స్క్రిప్ట్ మార్చి ఏమైనా మెప్పిస్తాడా? లేక మ‌రో హీరోతో సినిమాను ట్రై చేస్తాడా? అనేది తెలియాల్సి ఉంది.

ప్ర‌స్తుతం తెలుగు స్టార్ హీరోల్లో నెక్ట్స్ సినిమాలు క‌మిట్ కాకుండా ఉన్న హీరోల్లో రామ్‌చ‌ర‌ణ్ మాత్ర‌మే ఉన్నాడు. త‌ను ప్ర‌స్తుతం ఆర్ఆర్ఆర్ సినిమాను పూర్తి చేసే ప‌నిలో ఉన్నాడు. అలాగే మ‌రో వైపు కొత్త స్క్రిప్టుల‌ను వింటున్నాడు. కానీ చ‌రణ్ నెక్ట్స్ ప‌క్కాగా ఫైన‌ల్ కాలేదు. చ‌ర‌ణ్ కూడా నెక్ట్స్ మూవీ విష‌యంలో తొంద‌ర‌ప‌డాల‌ని అనుకోవ‌డం లేదు.