విరాట‌ప‌ర్వంలో మ‌రో సీనియ‌ర్ న‌టి
- IndiaGlitz, [Wednesday,May 01 2019]
'విరాట ప‌ర్వం 1992' ప్రీ ప్రొడ‌క్ష‌న్ వ‌ర్క్స్‌లో వేగం పెరుగుతుంది. రానా, సాయిప‌ల్ల‌వి జంట‌గా న‌టించ‌నున్నారు. 'నీది నాది ఒకే క‌థ' ఫేమ్ వేణు ఊడుగుల ద‌ర్శ‌క‌త్వం వ‌హించ‌నున్నారు. త్వ‌ర‌లోనే సెట్స్‌కు వెళ్ల‌బోయే ఈ సినిమాలో ఇప్ప‌టికే టబు, ప్రియ‌మ‌ణి కీల‌క పాత్ర‌ల్లో న‌టిస్తార‌ని వార్త‌లు విన‌ప‌డుతున్న సంగ‌తి తెలిసిందే. తాజాగా మ‌రో వార్త సోష‌ల్ మీడియాలో హ‌ల్ చ‌ల్ చేస్తుంది. సీనియ‌ర్ బాలీవుడ్ న‌టి జ‌రీనా వ‌హాబ్ కూడా ఈ చిత్రంలో కీల‌క పాత్ర‌లో న‌టించ‌బోతున్నార‌ట.
'గాజుల‌కిష్ట‌య్య, అమ‌ర‌ప్రేమ, హేమాహేమీలు వంటి తెలుగు చిత్రాల్లో న‌టించిన జ‌రీనా 2010లో విడుద‌లైన 'ర‌క్త చ‌రిత్ర'లో న‌టించారు. దాదాపు 9 ఏళ్ల గ్యాప్ త‌ర్వాత మ‌ళ్లీ 'విరాట‌ప‌ర్వం 1992' రీ ఎంట్రీ ఇవ్వ‌బోతున్నట్లు స‌మాచారం. త్వ‌ర‌లోనే ఈ సినిమాకు సంబంధించిన అధికారిక స‌మాచారం వెలువ‌డ‌నుంది. ఈ చిత్రంలో రానా పోలీస్ ఆఫీస‌ర్‌గా న‌టిస్తుంటే .. సాయిప‌ల్ల‌వి న‌క్స‌లైట్ పాత్ర‌లో క‌నిపిస్తార‌ట.డి.సురేష్ బాబు, చెరుకూరి సుధాక‌ర్ ఈ చిత్రాన్ని నిర్మించ‌నున్న‌ట్లు వార్త‌లు విన‌ప‌డుతున్నాయి.