అందాల బొమ్మ స‌మంత త్వ‌ర‌లో టాలీవుడ్ యంగ్ హీరోను పెళ్లి చేసుకోబోతున్న‌ట్టు ఓ ఇంట‌ర్ వ్యూ లో చెప్పిన విష‌యం తెలిసిందే. స‌మంత ఇలా చెప్పిందో లేదో...అలా టాలీవుడ్, కోలీవుడ్ ఇండ‌స్ట్రీలో స‌మంత పెళ్లి వార్త హాట్ టాపిక్ అయ్యింది. ఇంత‌కీ స‌మంత ప్రేమికుడు ఎవ‌రై ఉంటారు అనే విష‌యం పై ర‌క‌ర‌కాల వార్త‌లు వ‌స్తున్నాయి. ఇటీవ‌ల స‌మంత పెళ్లి గురించి నితిన్ ని అడిగితే...స‌మంత ప‌ర్స‌న‌ల్ విష‌యాలు నాతో చెప్ప‌లేదు కానీ...స‌మంత ఎవ‌ర్ని పెళ్లి చేసుకోబోతుందో మీకు తెలుసుక‌దా...అంద‌రూ అనుకుంటున్న హీరోనే అని చెప్పాడు.

ఇదిలా ఉంటే...ఈరోజు అ ఆ ప్ర‌మోష‌న్స్ లో భాగంగా మీడియా ముందుకు వ‌చ్చిన స‌మంత‌ను పెళ్లి గురించి అడిగితే...పెళ్లి గురించి నేను ఒక‌టి చెబితే...మీరు నలుగురు హీరోల పేర్లు రాసి ఎవ‌ర్ని పెళ్లి చేసుకోబోతుంది అంటూ సెన్సేష‌న్ క్రియేట్ చేసేసారు. పెళ్లి గురించి ఇప్ప‌ట్లో ఏమీ మాట్లాడ‌ను. ఆ స‌మ‌యం వ‌చ్చిన‌ప్పుడు నేనే మీఅంద‌ర్నీ (మీడియా) పిలిచి ప్రెస్ మీట్ పెట్టి మరీ చెబుతాను అంటోంది. ఇదంతా చూస్తుంటే...తొంద‌ర‌ప‌డి మీడియాకి ఎందుకు చెప్పావ్ అని సమంతకి క్లాస్ తీసుకున్నారేమో..అందుకే స‌మంత ఇలా మాట్లాడుతుంది అనిపిస్తుంది. పెళ్లి గురించి సమంత ప్రెస్ మీట్ పెట్టి మరీ.. చెప్పే స‌మ‌యం ఎప్పుడు వ‌స్తుందో...చూద్దాం.