తెలుగు ప్రేక్ష‌కుడు కాన్సెప్ట్ చిత్రాల‌కు ఓటేస్తున్నాడు. దీంతో కొత్త ద‌ర్శ‌కులు కొత్త కొత్త కాన్సెప్టుల‌తో సినిమాలు చేస్తున్నారో మ‌రో వైపు ప‌ర భాష‌ల్లో హిట్ చిత్రాల‌ను తెలుగులో రీమేక్ చేయ‌డానికి మేక‌ర్స్ ఆస‌క్తి చూపుతున్నారు. అందులో భాగంగా మ‌ల‌యాళ చిత్రాల‌ను కొన్ని తెలుగులో రీమేక్ కానున్నాయి. ప్ర‌స్తుతం చిరంజీవి ‘లూసిఫ‌ర్‌’ను తెలుగులో రీమేక్ చేయ‌నున్న సంగ‌తి తెలిసిందే. ఇది కాకుండా మల‌యాళంలో విజ‌య‌వంత‌మైన ‘అయ్య‌ప్ప‌నుమ్ కోశియ‌మ్’ చిత్రాన్ని తెలుగులో ర‌వితేజ‌, రానాల‌తో రీమేక్ చేయ‌నున్నారు. అలాగే మ‌లయాళంలో విజ‌య‌వంత‌మైన ‘డ్రైవింగ్ లైసెన్స్’ హ‌క్కుల‌ను కూడా తెలుగు నిర్మాత‌లు సొంతం చేసుకున్నారు. ఇప్పుడు వీటి లిస్టులో రీసెంట్ మ‌ల‌యాళ హిట్ ‘క‌ప్పేళ’‌ను తెలుగులో రీమేక్ చేయ‌డానికి సిద్ధ‌మ‌య్యార‌ట తెలుగు నిర్మాత‌లు.

తెలుగులో ‘అయ్యప్పనుమ్ కోశియమ్’ సినిమా రీమేక్ హక్కులను దక్కించుకున్న సితార ఎంటర్‌టైన్‌మెంట్స్ సంస్థే, ‘క‌ప్పేళ’ రీమేక్ హ‌క్కుల‌ను ద‌క్కించుకుంద‌ని టాక్‌. ఓ యువ ద‌ర్శ‌కుడు ఈ చిత్రాన్ని తెర‌కెక్కించ‌నున్నాడ‌ట‌. మరి ఈ చిత్రంలో ఎవరెవరు నటిస్తారు? అనేది తెలియాలంటే కొన్ని రోజులు ఆగాల్సిందే.