తెలుగులోకి మ‌రో హార‌ర్ చిత్రం..
- IndiaGlitz, [Tuesday,November 28 2017]
తెలుగులో హార‌ర్ చిత్రాలు, హార‌ర్ కామెడీ చిత్రాల‌కు మంచి ఆద‌ర‌ణ ల‌భిస్తున్న త‌రుణంలో త‌మిళం నుండి తెలుగులోకి ఓ హార‌ర్ చిత్రం రానుంది. వ‌డివుడియాన్ ద‌ర్శ‌క‌త్వంలో తెర‌కెక్కుతోన్న చిత్రం 'పొట్టు'. భ‌ర‌త్‌, న‌మిత, సృష్టి త‌దిత‌రులు న‌టించిన ఈ చిత్రంలో న‌మిత మాంత్రికురాలి పాత్రలో క‌న‌ప‌డనుంది.
ఈ చిత్రాన్ని తెలుగులో ఎన్.కె.ఆర్‌.ఫిలింస్ అధినేత ఎన్.కృష్ణారెడ్డి ఫ్యాన్సీరేటుకు ద‌క్కించుకున్నారని స‌మాచారం. విన‌ప‌డుతున్న వార్త‌లు ప్ర‌కారం అనువాద హ‌క్కులను కోటి రూపాయ‌ల‌కు ద‌క్కించుకున్నారట. ఎన్.కృష్ణారెడ్డి ఇప్ప‌టికే విక్ర‌మ్ 'ఇంకొక్క‌డు' సినిమాను తెలుగులో విడుద‌ల చేశారు.
ప్ర‌స్తుతం విజ‌య్ ఆంటోని న‌టించిన అన్న‌దొరై చిత్రాన్ని తెలుగులో 'ఇంద్ర‌సేన'గా విడుద‌ల చేస్తున్నారు. ఈ సినిమా త‌ర్వాత పొట్టు సినిమాకు సంబంధించిన వివ‌రాల‌ను ప్ర‌క‌టించే అవ‌కాశాలున్నాయ‌ని స‌మాచారం. హార‌ర్ థ్రిల్ల‌ర్‌గా 'పొట్టు' సినిమా తెలుగు ప్రేక్ష‌కుల‌కు రానుంది.