త్రివిక్రమ్ లిస్ట్ లో మరో హీరోయిన్?
- IndiaGlitz, [Thursday,August 24 2017]
మాట‌ల మాంత్రికుడు, ఏస్ డైరెక్ట‌ర్ త్రివిక్రమ్ శ్రీ‌నివాస్ కి హీరోల‌తోనూ, టెక్నీషియ‌న్ల‌తోనూ.. అలాగే హీరోయిన్ల‌తోనూ మ‌ళ్లీ మ‌ళ్లీ ప‌నిచేసే అల‌వాటుంది. ఇలా.. త్రివిక్రమ్ రిపీట్ చేసే హీరోయిన్ల లిస్ట్‌లోకి మరో హీరోయిన్ చేరుతోంది. ఆమే అను ఇమ్మానియేల్‌. ప్ర‌స్తుతం ప‌వ‌ర్‌స్టార్ ప‌వ‌న్ క‌ళ్యాణ్ హీరోగా త్రివిక్రమ్ రూపొందిస్తున్న చిత్రంలో అను సెకండ్ హీరోయిన్‌గా న‌టిస్తున్న సంగ‌తి తెలిసిందే.
ఈ చిత్రంతో పాటు ఎన్టీఆర్ హీరోగా త్రివిక్రమ్ రూపొందించ‌నున్న చిత్రంలోనూ అను క‌థానాయిక‌గా న‌టించ‌నుంద‌ని స‌మాచారం. ఇదే గ‌నుక కార్య‌రూపం దాల్చితే.. త్రివిక్రమ్ రిపీట్ చేసే మూడో హీరోయిన్‌గా అనుని చెప్పుకోవ‌చ్చు. జ‌ల్సా, జులాయి చిత్రాల్లో ఇలియానాకి.. అత్తారింటికి దారేది, స‌న్నాఫ్ స‌త్య‌మూర్తి, అఆ చిత్రాల్లో స‌మంత‌కి త్రివిక్రమ్ ఒక‌టికి మించి అవ‌కాశాలు ఇచ్చిన సంగ‌తి తెలిసిందే.